БИШКЕК, 21-авг. — Sputnik. Кечээ АКШнын Миссисипи штатында өткөн Bare Knuckle уюмунун мээлейсиз муштум менен таймашуу мелдешиндеги беттеш оор нокаут менен жыйынтыкталды. Бул тууралуу Р-Спорт маалымат булагы жазып, кызыктуу учурдун видеосун чыгарды.
Анда америкалык мушкерлер Диллон Клеклер менен Жастин Торнтондун таймашы эсте каларлык болгон. Ал беттештин 19-секундасында айбат менен чабуул жасаган атаандашына каршы аракет жасап жатып, кубаттуу сокку менен аны жыга чапкан.
Посмотреть эту публикацию в Instagram
Ээк тушка сокку жеген Торнтон жерге сулк кулаган. Калыс дароо беттешти токтотуп, Клеклерди жеңүүчү деп жарыялаган. Ал эми нокаутка кеткен атлетке медициналык жардам көрсөтүлгөн.
