https://sputnik.kg/20211109/sadyr-zhaparov-ehnergetika-krizisi-boyuncha-1054531606.html
Жапаров өлкө энергетика кризисинен качан чыгарын айтып, себебин түшүндүрдү
Жапаров өлкө энергетика кризисинен качан чыгарын айтып, себебин түшүндүрдү
Sputnik Кыргызстан
Токтогул суу сактагычында суунун көлөмү төмөн болуп жатканына байланыштуу быйылкы күз-кыш мезгилдеринде электр энергиясынын тартыштыгы жаралды. Мындан улам... 09.11.2021, Sputnik Кыргызстан
2021-11-09T14:06+0600
2021-11-09T14:06+0600
2021-12-14T14:27+0600
жаңылыктар
коом
кыргызстан
саясат
электр энергиясы
садыр жапаров
кризис
түшүндүрмө
https://sputnik.kg/img/07e5/0a/1a/1054361454_0:0:3072:1728_1920x0_80_0_0_acaffe0946a29beb1e590a6c0fd33100.jpg
БИШКЕК, 9-ноя. — Sputnik. Президент Садыр Жапаров коомдо катуу талкуу жаратып жаткан электр энергиясы боюнча өзүнүн Facebook баракчасы аркылуу түшүндүрмө берди.Андан соң президент акыркы 10 жылда бир дагы ГЭС салынбаганын, суунун башында туруп, кошуна өлкөлөрдөн кышкысын электр энергиясын сатып алып турганыбызды кошумчалады."Кыргызстан үчүн бул өтө уят иш. Арзан баада алса дагы мейли дейсиң го. Бир киловатты беш сомдон алып, элге 77 тыйындан берип турушкан. Албетте, беш сомдон деп кагаз жүзүндө көрсөтүлгөнү менен чыныгы баасы арзан эле болсо керек. Калганы чоңдордун чөнтөгүнө кетип турган. Балким, ушундай кызыкчылыктарды улантып, жыргап жашай бериш үчүн өзүбүздө жаңы ГЭСтерди курушкан эместир? Ошентип жеп отуруп энергетика системасын банкрот абалга жеткиришкен. Жыйынтыгында 140 миллиард сомго жакын карызга батырышкан", — деди Жапаров.Ошондой эле ал бүгүнкү күндө аталган сумманы Энергетика министрлиги төлөп, ички жана тышкы булактарга карыз экенин айтты.Жапаров учурда карыздардан кутулуу, кичи жана орто ГЭСтерди куруу башталганын айтты. Мунун аркасы менен 2024-2025-жылдарда энергетика системасы кризистен чыгарын кошумчалады."Ага чейин энергетика министри Доскул Бекмурзаевди куурдак кылып кууруп жесеңер дагы бул система кризистен чыкпайт. Анча-мынча мүчүлүштүктөр сөзсүз болот. Айла жок чыдайбыз", — деди Жапаров.Белгилей кетсек, Токтогул суу сактагычында суунун көлөмү төмөн болуп жатканына байланыштуу быйылкы күз-кыш мезгилдеринде электр энергиясынын тартыштыгы жаралды. Мындан улам энергетиктер жарыкты үнөмдүү пайдаланууга чакырууда.
https://sputnik.kg/20211105/ehlektr-ehnergiyasy-unomdoo-zavoddor-moncho-1054491749.html
https://sputnik.kg/20211109/ehlektr-ehnergiyasy-bir-zhashtagy-kyz-zhandandyruu-1054531385.html
Sputnik Кыргызстан
media@sputniknews.com
+74956456601
MIA „Rossiya Segodnya“
2021
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
жаңылыктар, коом, кыргызстан, саясат, электр энергиясы, садыр жапаров, кризис, түшүндүрмө
жаңылыктар, коом, кыргызстан, саясат, электр энергиясы, садыр жапаров, кризис, түшүндүрмө
Жапаров өлкө энергетика кризисинен качан чыгарын айтып, себебин түшүндүрдү
14:06 09.11.2021 (Жаңыртылды: 14:27 14.12.2021) Токтогул суу сактагычында суунун көлөмү төмөн болуп жатканына байланыштуу быйылкы күз-кыш мезгилдеринде электр энергиясынын тартыштыгы жаралды. Мындан улам энергетиктер жарыкты үнөмдүү пайдаланууга чакырууда.
БИШКЕК, 9-ноя. — Sputnik. Президент
Садыр Жапаров коомдо катуу талкуу жаратып жаткан электр энергиясы боюнча өзүнүн
Facebook баракчасы аркылуу түшүндүрмө берди.
"Сиздерге толук маалымат берип коюуну туура көрдүм. Антпесем, мени келе калып эле энергетика системасын кризиске батырып салгандай көрсөтүп, сындап жаткан айрым жарандарыбыз социалдык түйүндөрдөн түшпөй жатышат", — деп баштады сөзүн өлкө башчы.
Андан соң президент акыркы 10 жылда бир дагы ГЭС салынбаганын, суунун башында туруп, кошуна өлкөлөрдөн кышкысын электр энергиясын сатып алып турганыбызды кошумчалады.
5 Жетинин айы 2021, 10:02
"Кыргызстан үчүн бул өтө уят иш. Арзан баада алса дагы мейли дейсиң го. Бир киловатты беш сомдон алып, элге 77 тыйындан берип турушкан. Албетте, беш сомдон деп кагаз жүзүндө көрсөтүлгөнү менен чыныгы баасы арзан эле болсо керек. Калганы чоңдордун чөнтөгүнө кетип турган. Балким, ушундай кызыкчылыктарды улантып, жыргап жашай бериш үчүн өзүбүздө жаңы ГЭСтерди курушкан эместир? Ошентип жеп отуруп энергетика системасын банкрот абалга жеткиришкен. Жыйынтыгында 140 миллиард сомго жакын карызга батырышкан", — деди Жапаров.
Ошондой эле ал бүгүнкү күндө аталган сумманы Энергетика министрлиги төлөп, ички жана тышкы булактарга карыз экенин айтты.
"Бул деген банкрот дегенди билдирет. Былтыр мен ишке жаңы киришкенде энергетика системасынын акыбалын көрүп алып төбө чачым тик турган. Ошондо эле Энергетика министрлигине "мындан ары бир тыйын карыз албайсыңар. Импортту беш сомдон алууну токтотобуз. Бизде өздүк наркы канча болсо ошончодон алабыз, же өзүбүздөн иштеп чыгабыз" деп тапшырма бергем. Мына бүгүн импорттун баасы эки сомдун тегерегинде болуп жатат", — деди президент.
Жапаров учурда карыздардан кутулуу, кичи жана орто ГЭСтерди куруу башталганын айтты. Мунун аркасы менен 2024-2025-жылдарда энергетика системасы кризистен чыгарын кошумчалады.
9 Жетинин айы 2021, 13:33
"Ага чейин энергетика министри Доскул Бекмурзаевди куурдак кылып кууруп жесеңер дагы бул система кризистен чыкпайт. Анча-мынча мүчүлүштүктөр сөзсүз болот. Айла жок чыдайбыз", — деди Жапаров.
Белгилей кетсек, Токтогул суу сактагычында суунун көлөмү төмөн болуп жатканына байланыштуу быйылкы күз-кыш мезгилдеринде электр энергиясынын тартыштыгы жаралды. Мындан улам энергетиктер жарыкты
үнөмдүү пайдаланууга чакырууда.
