Кыдыршаев Алтынказы Карыпович — өмүр баяны
02:56 17.11.2021 (Жаңыртылды: 14:27 14.12.2021)
© Sputnik
Жазылуу
Алтынказы Кыдыршаев 1965-жылы 22-январда Нарын облусунун Жумгал районундагы Чаек айылында туулган. Жогорку билимдүү.
Билими:
- 1988-1993 ― СССРдин 50 жылдыгы атындагы Кыргыз мамлекеттик университетин "юриспруденция" адистиги боюнча бүтүргөн;
- 2003-жылы Жусуп Баласагын атындагы Кыргыз улуттук университетин "бухгалтердик эсеп, талдоо жана аудит" адистиги боюнча аяктаган.
Эмгек жолу:
- 1993-1995 ― Фрунзе мал чарбасында бухгалтер, башкы бухгалтер;
- 1995-1998 ― "Жанар-Спецтехника" ишканасында башкы бухгалтердин орун басары, башкы бухгалтер;
- 1998-2000 ― "Жанар-Спецтехника" ишканасында каржы маселелери боюнча директор;
- 2000-2003 ― "Жанар-Спецтехника" ишканасынын директорунун милдетин аткаруучу;
- 20003-2005 ― Аламүдүн райондук аймактык ооруканасында башкы бухгалтер;
- 2006-2007 ― Өкмөткө караштуу атаандаштыкты өнүктүрүү боюнча улуттук агенттикте башкы адис;
- 2007-2010 ― Энергетика министрлигине караштуу Отун-энергетикалык комплексин жөнгө салуу департаментинде жетектөөчү адис;
- 2011-жыл, август-декабрь ― "Түндүк электр" ишканасынын коммерциялык директору;
- 2015-2016 ― Өзгөчө кырдаалдар министрлигинин Гидрометеорология агенттигинин каржы бөлүмүнүн башчысы;
- 2016 ― "RoLA дан азыктары" фабрикасында башкы бухгалтер;
- 2018-2020 ― "Нарынгидроэнергострой" ААКсында ревизор;
- 2020-жылдан бери "Аудит Максат" ЖЧКсында аудитор.
