Алымбеков Кеңешбек Асанкожоевич — өмүр баяны
01:30 18.11.2021 (Жаңыртылды: 12:25 21.01.2022)
© Фото / Жаныл Аманкулова
Жазылуу
Кеңешбек Алымбеков 1951-жылы 3-декабрда Ысык-Көл облусунун Ак-Суу районундагы Ичке-Жергез айылында туулган. Жогорку билимдүү.
Билими:
- 1969-1974 ― СССРдин 50 жылдыгы атындагы Кыргыз мамлекеттик университетинин экономика факультетин "товар таануу жана азык-түлүк товарларынын соодасын уюштуруу" адистиги боюнча аяктаган.
- 1983 ― Москвадагы Советтик сооданын бүткүл союздук сырттан окуу институтунун аспирантурасын сырттан бүтүргөн.
Эмгек жолу:
- 1974-1979 ― Кыргыз мамлекеттик университетинин сооданын экономикасы жана товар таануу кафедрасында окутуучу;
- 1983-1986 ― Советтик сооданын сырттан окуу институтунда окутуучу;
- 1986-1994 ― Кыргыз улуттук университетинде товар таануу кафедрасынын башчысы, доцент;
- 1994-1997 ― Өкмөттүн алдындагы стандартташтыруу жана метрология борборунун директорунун орун басары;
- 1997-1999 ― Россиянын стандартташтыруу, метрология жана сертификаттоо академиясынын Кыргызстандагы филиалында директордун орун басары, директор;
- 1999-2003 ― Бишкек мамлекеттик экономика жана соода институтунун инновациялык технологиялар жана илимий иштер боюнча проректору;
- 2003-2009 ― Бишкек мамлекеттик экономика университетинде окуу иштери боюнча проректор;
- 2009-2011 ― Жусуп Баласагын атындагы Кыргыз улуттук университетинин биринчи проректору;
- 2011-2016 ― Муса Рыскулбеков атындагы Кыргыз экономикалык университетинин эл аралык кызматташтык жана инновациялар боюнча проректору;
Учурда Муса Рыскулбеков атындагы Кыргыз экономикалык университетинде товар таануу, товардык экспертиза жана ресторан бизнеси кафедрасынын башчысы, профессор.
