Урумкалиева Чынара Чалагызовна — өмүр баяны
00:48 25.11.2021 (Жаңыртылды: 14:27 14.12.2021)
© Фото / пресс-служба ЦИК КР
Жазылуу
Чынара Урумкалиева 1973-жылы 13-октябрда Ысык-Көл облусунун Ак-Суу районундагы Боз-Учук айылында туулган. Жогорку билимдүү.
Билими:
- 1996 — И. Арабаев атындагы Кыргыз мамлекеттик педагогикалык университетинин физика-математика факультетин бүтүргөн;
- 2010 — Жусуп Баласагын атындагы Кыргыз улуттук университетин "юриспруденция" адистиги боюнча аяктаган.
Эмгек жолу:
- 1996 — Жусуп Баласагын атындагы КУУнун информациялык технологиялар кафедрасында инженер;
- 1997-2009 — Жусуп Баласагын атындагы КУУнун информациялык технологиялар кафедрасында окутуучу, улук окутуучу;
- 2009-2010 — Бишкек шаардык жерге жайгаштыруу жана кыймылсыз мүлккө укуктарды каттоо боюнча башкармалыгында адис;
- 2010-2014 — Жусуп Баласагын атындагы КУУда жана Кыргызстандан эл аралык университетинин ал аралык укук кафедрасында улук окутуучу;
- 2014-2015 — КР Жогорку Кеңешинин аппаратынын юридика бөлүмүндө эксперт;
- 2015-2020 — КР Жогорку Кеңешинин аппаратынын ченемдик укуктук актыларды иштеп чыгуу бөлүмүнүн эксперти;
- 2020-жылдын октябрынан тартып Жогорку Кенештин депутаты;
- 2021-жылдын июнь айынан тартып Жогорку Кенештин Социалдык маселелер, билим берүү, илим, маданият жана саламаттык сактоо боюнча комитетинин төрайымынын орун басары.
