Бишкектеги саймачылар сынагына окуучулардан чоң энеге чейин катышты. 14 ирмем
Бишкектеги саймачылар сынагына окуучулардан чоң энеге чейин катышты. 14 ирмем
Sputnik Кыргызстан
Кыргызстандын борбору Бишкек шаарында үчүнчү ирет республикалык "Сайма чемпионаты — 2021" иш-чарасы өтүп, ага балдардан тарта чоңдорго чейин катышты. Арасында... 19.12.2021, Sputnik Кыргызстан
Сынакты "Кийиз дүйнө" коомдук фонду Маданият, маалымат, спорт жана жаштар саясаты министрлигинин, Кыргыз улуттук тарых музейинин колдоосу менен уюштурду. Мындай иш-чара Бишкек калаасында үчүнчү ирет болуп жатат.Уюштуруучулар муну менен саймачылыкты жандандыруу максатын койгон. Иш-чарада керме саймачылар жана 2021-жылы тигилген белдемчилер боюнча сынак болду.Чемпионатта өзгөчө саймасы жана чыгармачылыгы менен айырмаланып I орунду Эркайым Асанбекова, II орунду Кундуз Абдыкеева, III орунду Нургүл Жээнбекова ээледи.Чемпионатта, салт болуп калгандай, сайма боюнча өткөн жылдагы сынактын жеңүүчүсү Диляра Орозалиева быйылкы жеңүүчү Эркайым Асанбековага эстафета-чапанды тапшырды. Эми Асанбекова аны сактап, келерки жылдагы жеңүүчүгө өткөрүп бермекчи. Айтмакчы, ар бир финалист чапанга өзүнүн атын сайып калтырышы керек.Ал эми белдемчи боюнча сынакта I орунга Сырга Өмүралиева, II орунга Эркайым Асанбекова, III орунга Батина Назаралиева татыды.Уюштуруучулар быйылкы сайма чемпионатына катышкандардын эң улуусу пенсия курагындагы чоң эне, ал эми эң кичүүсү 5-класстын окуучусу болгонун айтышты.Андан сырткары, Тарых музейинде уздардын колунан чыккан туш кийиздер, панолор, элечектер, чапандар, белдемчилер, баштыктар көргөзмөгө жана сатыкка коюлду.
Кыргызстандын борбору Бишкек шаарында үчүнчү ирет республикалык "Сайма чемпионаты — 2021" иш-чарасы өтүп, ага балдардан тарта чоңдорго чейин катышты. Арасында жигиттер да болду.
Сынакты "Кийиз дүйнө" коомдук фонду Маданият, маалымат, спорт жана жаштар саясаты министрлигинин, Кыргыз улуттук тарых музейинин колдоосу менен уюштурду. Мындай иш-чара Бишкек калаасында үчүнчү ирет болуп жатат.
Уюштуруучулар муну менен саймачылыкты жандандыруу максатын койгон. Иш-чарада керме саймачылар жана 2021-жылы тигилген белдемчилер боюнча сынак болду.
Чемпионатта өзгөчө саймасы жана чыгармачылыгы менен айырмаланып I орунду Эркайым Асанбекова, II орунду Кундуз Абдыкеева, III орунду Нургүл Жээнбекова ээледи.
Чемпионатта, салт болуп калгандай, сайма боюнча өткөн жылдагы сынактын жеңүүчүсү Диляра Орозалиева быйылкы жеңүүчү Эркайым Асанбековага эстафета-чапанды тапшырды. Эми Асанбекова аны сактап, келерки жылдагы жеңүүчүгө өткөрүп бермекчи. Айтмакчы, ар бир финалист чапанга өзүнүн атын сайып калтырышы керек.
Ал эми белдемчи боюнча сынакта I орунга Сырга Өмүралиева, II орунга Эркайым Асанбекова, III орунга Батина Назаралиева татыды.
Уюштуруучулар быйылкы сайма чемпионатына катышкандардын эң улуусу пенсия курагындагы чоң эне, ал эми эң кичүүсү 5-класстын окуучусу болгонун айтышты.
Андан сырткары, Тарых музейинде уздардын колунан чыккан туш кийиздер, панолор, элечектер, чапандар, белдемчилер, баштыктар көргөзмөгө жана сатыкка коюлду.
Саймага кызыккандардын арасында, албетте, улуу муундардын өкүлдөрү болду. Негизи бул өнөрдү аздектеп, баалап, жаштарга өткөрүп берчүлөр да апалар, чоң энелер.
![Улуттук тарых музейинде "Сайма чемпионаты-2021" сынагы өтүп, ага алдын ала арыз берген каалоочулар катышты - Sputnik Кыргызстан](https://sputnik.kg/img/07e5/0c/13/1060513638_0:0:3072:2048_600x0_80_0_1_043606e57dd10559aaafdb5325e1d789.jpg "Улуттук тарых музейинде "Сайма чемпионаты-2021" сынагы өтүп, ага алдын ала арыз берген каалоочулар катышты")
!["Кийиз дүйнөнүн" логотиби түшүрүлгөн илме шибеге менен иштеп жаткан саймачы - Sputnik Кыргызстан](https://sputnik.kg/img/07e5/0c/13/1060513644_0:0:3072:2048_600x0_80_0_1_49b5738f025b222934ebe8a1eba22e53.jpg ""Кийиз дүйнөнүн" логотиби түшүрүлгөн илме шибеге менен иштеп жаткан саймачы")
