Амангелдиев: учурда бюджеттин тартыштыгы жок
Жазылуу
Экономика жана коммерция министри Данияр Амангелдиев быйыл мамлекеттик бюджет 310 миллиард сом менен жыйынтыкталарын айтты.
Бүгүнкү күндө бюджеттин тартыштыгы жок. Финансылык планга байланыштуу бардык мамлекеттик органдын кызматкерлери айлык акысын убагында алып жатат. Бул тууралуу Данияр Амангелдиев Sputnik Кыргызстан радиосунда маек куруп жатып билдирди.
Амангелдиев: учурда бюджеттин тартыштыгы жок
Анын айтымында, кийинки жылдын биринчи жарымында өлкө экономикасы 2019-жылдагы деңгээлине жетет.
"2021-жылдын башында өлкө экономикасы солгундап, анын төмөндөшү 6,1 пайызды түзгөн. Эгемендүүлүктү алгандан бери алгачкы жолу мындай көрсөткүчкө түштү. Ага карабастан жыл ичинде алгылыктуу иштер жасалып, натыйжада өсүш байкалууда. Акыркы 11 айдын алдын ала жыйынтыгы боюнча экономиканын өсүшү 2,4 пайызды түзсө, "Кумтөрдү" эске албаганда 4,1 пайызды көрсөттү. Мындан тышкары, базар бааларын турукташтыруу, күйүүчү жана майлоочу майдын баасын тизгиндөө, ички продукциялардын дефицитин болтурбоо аракеттери жасалды. Быйыл мамлекеттик бюджет 310 миллиард сом менен жыйынтыкталат", — деди Амангелдиев.
Ошондой эле министр өлкө экономикасы экспортко багытталбагандыктан жай өсүп жаткандыгын кошумчалады.
