https://sputnik.kg/20220207/pensiyaga-dep-toptogon-karazhatty-ipoteka-uchun-pajdalanuuga-bolot-1061850460.html
Пенсияга деп топтогон каражатты ипотека үчүн пайдаланууга болот. Шарты
Пенсияга деп топтогон каражатты ипотека үчүн пайдаланууга болот. Шарты
Sputnik Кыргызстан
Пенсиялык чегеримдердин кайсы бөлүгүн ипотекалык баштапкы төгүмдү төлөөгө жумшай алабыз. Бул үчүн кандай шарттарды аткаруу керек? Sputnik Кыргызстан сураштырып... 07.02.2022, Sputnik Кыргызстан
2022-02-07T12:30+0600
2022-02-07T12:30+0600
2022-02-07T12:52+0600
банк
арыз
ипотекалык насыя
каражат
пенсия
https://sputnik.kg/img/07e6/02/07/1061850657_0:319:3074:2048_1920x0_80_0_0_ce1156a4bef50eacf257bbb3f14b0229.jpg
Мыйзамга ылайык, өлкө жарандары ипотекалык насыянын баштапкы төлөмүн төгүү үчүн пенсиялык топтолмолордун бир бөлүгүн алууга акылуу. Мунун жол-жобосу кандай, кайсы учурларды эске алуу абзел? Буларды тактоо үчүн Социалдык фонд тарабынан пенсиялык топтолмодон төлөө эрежелерин карап чыгып, аталган мекеменин жекече эсепке алуу жана камсыздандыруу төгүмдөрүн эсептөө башкармалыгынын улук адиси Уланбек Исаковду тыңдадык.Бул каражат ипотеканын кандай түрү үчүн берилет?Пенсиялык каражаттарды мамлекеттик да, коммерциялык ипотека үчүн да алууга уруксат бар. Негизги талабы — жеке турак жайынын жоктугу.Пенсиялык чегеримди толук алууга болобу?Жок, топтолгон каражаттын бир бөлүгү (атап айтканда, маянанын 2 пайызы) жана аны инвестициялоодон түшкөн каражат гана берилет.Эң аз өлчөмдөгү суммасы канча?Эгер топтолгон каражатыңыз жана аны инвестициялоодон түшкөн киреше 50 миң сомдон кем болбогон учурда гана ипотекалык баштапкы төгүм үчүн бул каражатты ала аласыз.Эң жогорку суммасы канчаны түзөт?Кандайдыр бир чеги жок. Баары топтолмо эсебиңизде канча каражат бар экенине жана аны инвестициялоодон кандай киреше алынганына жараша эсептелет.Кайсы документтер керек?Жашаган же турган жериңиз боюнча Социалдык фонддун аймактык органына төмөнкү документтер менен кайрылуу зарыл:50 миң сом алуу үчүн расмий түрдөгү маяна 2,5 миллионду түзүшү шартпы?Жок. Мында топтолмо бөлүк (маянадан эки пайыз) да, инвестициялоодон түшкөн киреше да эсепке алынат.Жаран бул каражатты колуна алабы?Бул акча түз колго тийбейт. Ипотекалык насыя берилери чечилген соң каражат банк көрсөткөн эсепке которулат.Пенсия үчүн чегерилген каражаттын суммасын тактоо жана башка кызыккан суроолорго жооп алуу үчүн КР Социалдык фондуна кайрылуу зарыл.Ал эми мамлекеттин көзүн карабай пенсияга акча топтойм десеңиз Sputnik даярдаган материалга көз чаптырып коюу ашыкча болбойт.
https://sputnik.kg/20220204/ipotekaga-turak-zhaj-aluu-1061787262.html
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Бакыт Толканов
https://sputnik.kg/img/103366/65/1033666557_2428:306:4271:2149_100x100_80_0_0_35e2fb3f6a1b1ee53628b6d6f79d46b1.jpg
Бакыт Толканов
https://sputnik.kg/img/103366/65/1033666557_2428:306:4271:2149_100x100_80_0_0_35e2fb3f6a1b1ee53628b6d6f79d46b1.jpg
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
Бакыт Толканов
https://sputnik.kg/img/103366/65/1033666557_2428:306:4271:2149_100x100_80_0_0_35e2fb3f6a1b1ee53628b6d6f79d46b1.jpg
банк, арыз, ипотекалык насыя, каражат, пенсия
банк, арыз, ипотекалык насыя, каражат, пенсия
Пенсияга деп топтогон каражатты ипотека үчүн пайдаланууга болот. Шарты
12:30 07.02.2022 (Жаңыртылды: 12:52 07.02.2022) Пенсиялык чегеримдердин кайсы бөлүгүн ипотекалык баштапкы төгүмдү төлөөгө жумшай алабыз. Бул үчүн кандай шарттарды аткаруу керек? Sputnik Кыргызстан сураштырып көрдү.
Мыйзамга ылайык, өлкө жарандары ипотекалык насыянын баштапкы төлөмүн төгүү үчүн пенсиялык топтолмолордун бир бөлүгүн алууга акылуу. Мунун жол-жобосу кандай, кайсы учурларды эске алуу абзел? Буларды тактоо үчүн Социалдык фонд тарабынан пенсиялык топтолмодон төлөө эрежелерин карап чыгып, аталган мекеменин жекече эсепке алуу жана камсыздандыруу төгүмдөрүн эсептөө башкармалыгынын улук адиси Уланбек Исаковду тыңдадык.
Бул каражат ипотеканын кандай түрү үчүн берилет?
Пенсиялык каражаттарды мамлекеттик да, коммерциялык ипотека үчүн да алууга уруксат бар. Негизги талабы — жеке турак жайынын жоктугу.
Пенсиялык чегеримди толук алууга болобу?
Жок, топтолгон каражаттын бир бөлүгү (атап айтканда, маянанын 2 пайызы) жана аны инвестициялоодон түшкөн каражат гана берилет.
Эң аз өлчөмдөгү суммасы канча?
Эгер топтолгон каражатыңыз жана аны инвестициялоодон түшкөн киреше 50 миң сомдон кем болбогон учурда гана ипотекалык баштапкы төгүм үчүн бул каражатты ала аласыз.
Эң жогорку суммасы канчаны түзөт?
Кандайдыр бир чеги жок. Баары топтолмо эсебиңизде канча каражат бар экенине жана аны инвестициялоодон кандай киреше алынганына жараша эсептелет.
Жашаган же турган жериңиз боюнча Социалдык фонддун аймактык органына төмөнкү документтер менен кайрылуу зарыл:
Ипотекалык баштапкы төлөмдү төгүүдө пенсиянын топтолмо бөлүгүн бир жолу төлөө үчүн белгиленген үлгүдөгү арыз;
Каражатты алуучу жактын өздүгүн тастыктаган документтин көчүрмөсү, салыштыруу үчүн түп нускасы.
50 миң сом алуу үчүн расмий түрдөгү маяна 2,5 миллионду түзүшү шартпы?
Жок. Мында топтолмо бөлүк (маянадан эки пайыз) да, инвестициялоодон түшкөн киреше да эсепке алынат.
Жаран бул каражатты колуна алабы?
Бул акча түз колго тийбейт. Ипотекалык насыя берилери чечилген соң каражат банк көрсөткөн эсепке которулат.
Пенсия үчүн чегерилген каражаттын суммасын тактоо жана башка кызыккан суроолорго жооп алуу үчүн КР Социалдык фондуна кайрылуу зарыл.
Ал эми мамлекеттин көзүн карабай пенсияга акча топтойм десеңиз
Sputnik даярдаган материалга көз чаптырып коюу ашыкча болбойт.
