https://sputnik.kg/20220419/akcha-kotoruunun-zhany-erezhesine-tyshyndyrmo-berdi-1063777033.html
Улуттук банк акча которуунун жаңы эрежесине түшүндүрмө берди
Улуттук банк акча которуунун жаңы эрежесине түшүндүрмө берди
Sputnik Кыргызстан
19-апрелден тарта акча которуу системасы менен келген каражатты жөнөткөн өлкөнүн валютасында гана алууга болот. 19.04.2022, Sputnik Кыргызстан
2022-04-19T20:16+0600
2022-04-19T20:16+0600
2022-04-19T20:16+0600
кыргызстан
улуттук банк
акча которуулар
эсеп
доллар
рубль
https://sputnik.kg/img/101776/96/1017769609_0:0:1024:577_1920x0_80_0_0_fdd278b101aac2968d78ae1dc89862f0.jpg
БИШКЕК, 19-апр. — Sputnik. Кыргызстандын Улуттук банкы акча которуу системасына байланыштуу эрежелердин өзгөрүшү боюнча түшүндүрмө берди.Эске салсак, мындан ары Кыргызстанга которулган акчаны жиберген өлкөнүн гана валютасында алууга болот.Улуттук банк мындай нерсе экономикалык коопсуздукту камсыздоо, ички валюта рыногун турукташтыруу жана доллардын сыртка чыгышынан улам жаралган жагымсыз кесепеттерди азайтуу үчүн жасалып жатканын айтты.Улуттук банк эскерткендей, учурда эл аралык акча которуу системасы боюнча келген каражат жөнөткөн өлкөнүн валютасында же сом менен берилип жатат."Мисалы, акча Россиядан которулса алуучуга рубль менен, Казакстандан которулса теңге менен, ал эми башка өлкө болсо коммерциялык банктын курсу боюнча улуттук валютада берилет. Эгер валюта өлкө аймагында көп колдонулбаса коммерциялык банк Улуттук банктын курсун колдонот. Ал эми кардарга алмаштыруу курсу алдын ала айтылышы керек", — деди УБ.Акча которуунун конвертация эрежеси өзгөрүүсүз калат. Коммерциялык банк алуучунун макулдугу менен улуттук сомго гана конвертациялай алат.Кардар коммерциялык банкка которулган каражатты анын эсебине же электрондук капчыгына которуп коюуну табыштай алат."Эгер акча которуучу каражатты Кыргызстандын коммерциялык банктарында ачылган долларлык эсепке Россиядан рубль менен жөнөтсө, анда банк өзүнүн курсу боюнча конвертация жасайт", — деди Улуттук банк.
https://sputnik.kg/20220419/kyrgyzstan-dollar-kurs-tushundurmo-1063766263.html
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, улуттук банк, акча которуулар, эсеп, доллар, рубль
кыргызстан, улуттук банк, акча которуулар, эсеп, доллар, рубль
Улуттук банк акча которуунун жаңы эрежесине түшүндүрмө берди
19-апрелден тарта акча которуу системасы менен келген каражатты жөнөткөн өлкөнүн валютасында гана алууга болот.
БИШКЕК, 19-апр. — Sputnik. Кыргызстандын Улуттук банкы акча которуу системасына байланыштуу эрежелердин өзгөрүшү боюнча түшүндүрмө берди.
Эске салсак, мындан ары Кыргызстанга которулган акчаны жиберген өлкөнүн гана валютасында
алууга болот.Улуттук банк мындай нерсе экономикалык коопсуздукту камсыздоо, ички валюта рыногун турукташтыруу жана доллардын сыртка чыгышынан улам жаралган жагымсыз кесепеттерди азайтуу үчүн жасалып жатканын айтты.
"Акыркы кезде акча которуулардын көлөмү кескин өсүп кетти. Казакстан менен Россиядан түшкөн акчаны кардарлар доллар менен накталай берүүнү талап кылышууда", — деп айтылат маалыматта.
Улуттук банк эскерткендей, учурда эл аралык акча которуу системасы боюнча келген каражат жөнөткөн өлкөнүн валютасында же сом менен берилип жатат.
"Мисалы, акча Россиядан которулса алуучуга рубль менен, Казакстандан которулса теңге менен, ал эми башка өлкө болсо коммерциялык банктын курсу боюнча улуттук валютада берилет. Эгер валюта өлкө аймагында көп колдонулбаса коммерциялык банк Улуттук банктын курсун колдонот. Ал эми кардарга алмаштыруу курсу алдын ала айтылышы керек", — деди УБ.
Акча которуунун конвертация эрежеси өзгөрүүсүз калат. Коммерциялык банк алуучунун макулдугу менен улуттук сомго гана конвертациялай алат.
Кардар коммерциялык банкка которулган каражатты анын эсебине же электрондук капчыгына которуп коюуну табыштай алат.
"Эгер акча которуучу каражатты Кыргызстандын коммерциялык банктарында ачылган долларлык эсепке Россиядан рубль менен жөнөтсө, анда банк өзүнүн курсу боюнча конвертация жасайт", — деди Улуттук банк.
