https://sputnik.kg/20220627/madumarov-zhyyyndan-chygyp-ketti-1065609327.html
Сүйлөп болбой калды. Мадумаров жинденип комитет жыйынынан чыгып кетти
Сүйлөп болбой калды. Мадумаров жинденип комитет жыйынынан чыгып кетти
Sputnik Кыргызстан
Мадумаровдун сунуштарын кесиптештери катары менен четке кага берген. 27.06.2022, Sputnik Кыргызстан
2022-06-27T16:43+0600
2022-06-27T16:43+0600
2022-06-27T16:58+0600
кыргызстан
саясат
адахан мадумаров
жыйын
видео
https://sputnik.kg/img/07e5/0c/1f/1060873109_719:129:3072:1453_1920x0_80_0_0_641678808940e765add0b8f7d18ec25c.jpg
БИШКЕК, 27-июн. — Sputnik. Жогорку Кеңештин депутаты Адахан Мадумаров Эл аралык иштер, коргоо, коопсуздук жана миграция комитетинин жыйынында жинденип чыгып кетти.Отурумда Евразия өнүктүрүү банкынын Евразия турукташтыруу жана өнүктүрүү фондунун бюджетти колдоо үчүн 160 миллион доллар кредит алуу келишимин ратификациялоо каралып жаткан.Мадумаров каражаттын кайда кайсы багытта жумшаларын сурап, бирок канааттандырарлык жооп ала алган эмес. Ал биринчи окууда өкмөткө эскертүү берип, ийне-жибине чейин түшүндүрүп жазып келишин талап кылганын айтты. Бүгүн да суроо бергенде жооптуу кызматкерлер каражат эмнеге сарпталарын айтып бере алышкан жок.Финансы министринин орун басары Руслан Татиков кредиттин 70 пайызы Энергетика министрлигине кайра кредиттөө жолу менен, калганы Туризм фонду жана "Кыргыз индустрия" мамлекеттик ишканасына берилерин билдирди.Так жооп албаганына нааразы болгон Мадумаров ратификациялоо мыйзамын артка кайтарууну сунуштады. Документ экинчи жана үчүнчү окууда каралып жаткан. Добуш берүүгө келгенде көпчүлүк депутаттар келишимди колдоду. Андан соң Мадумаров үчүнчү окууну кийинкиге жылдырууну сунуштады эле кесиптештери макул болгон жок.Мындан кийин комитеттин жыйыны Адахан Мадумаровсуз уланды.
https://sputnik.kg/20220622/tashtanbekov-madumarov-oynogondu-uyronush-kerek-1065484848.html
Sputnik Кыргызстан
media@sputniknews.com
+74956456601
MIA „Rosiya Segodnya“
2022
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
кыргызстан, саясат, адахан мадумаров, жыйын, видео
кыргызстан, саясат, адахан мадумаров, жыйын, видео
Сүйлөп болбой калды. Мадумаров жинденип комитет жыйынынан чыгып кетти
16:43 27.06.2022 (Жаңыртылды: 16:58 27.06.2022) Мадумаровдун сунуштарын кесиптештери катары менен четке кага берген.
БИШКЕК, 27-июн. — Sputnik. Жогорку Кеңештин депутаты
Адахан Мадумаров Эл аралык иштер, коргоо, коопсуздук жана миграция комитетинин жыйынында жинденип чыгып кетти.
Отурумда Евразия өнүктүрүү банкынын Евразия турукташтыруу жана өнүктүрүү фондунун бюджетти колдоо үчүн 160 миллион доллар кредит алуу келишимин ратификациялоо каралып жаткан.
Мадумаров каражаттын кайда кайсы багытта жумшаларын сурап, бирок канааттандырарлык жооп ала алган эмес. Ал биринчи окууда өкмөткө эскертүү берип, ийне-жибине чейин түшүндүрүп жазып келишин талап кылганын айтты. Бүгүн да суроо бергенде жооптуу кызматкерлер каражат эмнеге сарпталарын айтып бере алышкан жок.
Финансы министринин орун басары Руслан Татиков кредиттин 70 пайызы Энергетика министрлигине кайра кредиттөө жолу менен, калганы Туризм фонду жана "Кыргыз индустрия" мамлекеттик ишканасына
берилерин билдирди.
Так жооп албаганына нааразы болгон Мадумаров ратификациялоо мыйзамын артка кайтарууну сунуштады. Документ экинчи жана үчүнчү окууда каралып жаткан. Добуш берүүгө келгенде көпчүлүк депутаттар келишимди колдоду. Андан соң Мадумаров үчүнчү окууну кийинкиге жылдырууну сунуштады эле кесиптештери макул болгон жок.
"Өзү негизи кээ бир кишилердин катышып отурушунун деле кажети жок болуп калды. Сунуш берүүнүн да, сүйлөөнүн дагы кажети жок. Биз көппүз, билгенибизди кылып кете беребиз деп калдыңар", — деп кагаздарын жыйнап залдан чыгып кетти.
Мындан кийин комитеттин жыйыны Адахан Мадумаровсуз уланды.
