Замбирек атылып, альпинисттер тартылган. Өлкөдөгү ГЭСтердин курулушу сүрөттө
Замбирек атылып, альпинисттер тартылган. Өлкөдөгү ГЭСтердин курулушу сүрөттө
Sputnik Кыргызстан
Союз маалында өлкөдө бир катар гидроэлектр станциялары курулуп, республика Борбор Азиядагы энергетика державасына айланган. Sputnik Кыргызстан агенттиги... 24.08.2022, Sputnik Кыргызстан
Кыргыз ССРинин аймагында алгачкы гидроэлектр станциялары өткөн кылымдын 20-жылдары курулуп, электр энергиясын өндүрүп, согуш жылдарында Ворошилов ГЭСи пайдаланууга берилген. Кийин СССРде жай турмуш орногондо республикада ири гидроэнергетикалык долбоорлор ишке аша баштаган. Ал жылдары Токтогул, Ат-Башы, Күрп-Сай, Шамалды-Сай, Таш-Көмүр, Үч-Коргон, Камбар-Ата-2 гидроэлектр станциялары бүткөн. Курулуштарга миңдеген адам катышып, жүздөгөн техника тартылып, миллиондогон акча жумшалган. Ошол эмгектин аркасында Кыргызстан коңшу өлкөлөрдү сугат суу менен камсыздап, электр жарыгын экспорттоо мүмкүнчүлүгүнө ээ болгон. Ондогон жыл мурун жасалган мээнеттин үзүрүн кыргызстандыктар азыр да көрүүдө.Өлкөнүн бүт аймагы кантип электрлештирилгенин Sputnik Кыргызстандын материалынан окуңуздар.
Союз маалында өлкөдө бир катар гидроэлектр станциялары курулуп, республика Борбор Азиядагы энергетика державасына айланган. Sputnik Кыргызстан агенттиги күжүрмөн элдин ошол кездеги эмгегин даңазалаган архивдик сүрөттөрдү сунуштайт.
Кыргыз ССРинин аймагында алгачкы гидроэлектр станциялары өткөн кылымдын 20-жылдары курулуп, электр энергиясын өндүрүп, согуш жылдарында Ворошилов ГЭСи пайдаланууга берилген. Кийин СССРде жай турмуш орногондо республикада ири гидроэнергетикалык долбоорлор ишке аша баштаган. Ал жылдары Токтогул, Ат-Башы, Күрп-Сай, Шамалды-Сай, Таш-Көмүр, Үч-Коргон, Камбар-Ата-2 гидроэлектр станциялары бүткөн. Курулуштарга миңдеген адам катышып, жүздөгөн техника тартылып, миллиондогон акча жумшалган. Ошол эмгектин аркасында Кыргызстан коңшу өлкөлөрдү сугат суу менен камсыздап, электр жарыгын экспорттоо мүмкүнчүлүгүнө ээ болгон. Ондогон жыл мурун жасалган мээнеттин үзүрүн кыргызстандыктар азыр да көрүүдө.
Кыргызстанда курулган алгачкы гидроэлектр станцияларынын бири. Чүй облусундагы Ворошилов ГЭСинин (азыркы Лебединовка ГЭСи) курулушу 1942-жылы башталып, ага согуш жылдарында кыз-келиндер жана балдар катышкан.
Өлкөдөгү ГЭСтерди кургандар бийик тоолуу аймакта оор шартта эмгектенген. Жумушчулар Нарын дарыясынын аркы өйүзүнө оор техниканы өзгөчө ыкма менен өткөрүүдө, 1965-жыл.
![Токтогул гидроэлектр станциясында СССРдин 22 ири заводунан алып келинген оор техника иштеген. Сүрөттө "Урал" заводунун ротордук экскаватору, 1974-жыл. - Sputnik Кыргызстан](https://sputnik.kg/img/07e6/08/18/1067147877_0:0:2048:2050_600x0_80_0_1_7c15a672357c58d887c6582b0dcecd4b.jpg "Токтогул гидроэлектр станциясында СССРдин 22 ири заводунан алып келинген оор техника иштеген. Сүрөттө "Урал" заводунун ротордук экскаватору, 1974-жыл.")
