https://sputnik.kg/20230122/uluttuk-banktyn-altyn-zapasy-ostu-1072224955.html
Улуттук банктын алтын запасынын баасы бир жылга 31,7 млрд. сомго өстү
Улуттук банктын алтын запасынын баасы бир жылга 31,7 млрд. сомго өстү
Sputnik Кыргызстан
Кордун өскөнү эмнеге байланыштуу экени жазылган эмес. 22.01.2023, Sputnik Кыргызстан
2023-01-22T12:00+0600
2023-01-22T12:00+0600
2023-01-22T12:00+0600
экономика
алтын
запас
валюта
доллар
кыргызстан
https://sputnik.kg/img/103179/85/1031798523_0:480:4607:3071_1920x0_80_0_0_d66862109e9dc33fa720943398c2370d.jpg
БИШКЕК, 22-янв. — Sputnik. Улуттук банктын алтын запасынын баасы узаган жылдын декабрында 3,8 миллиард сомго өстү. Эгер бир жылдыкты ала турган болсок, 31,7 миллиардга көбөйгөн.Улуттук банктын сайтындагы маалымат:Кордун өскөнү эмнеге байланыштуу экени жазылган эмес.Бир нече күн мурда министрлер кабинетинин төрагасы Акылбек Жапаров башкы банктын маалыматы боюнча "бизде 40 тоннадан ашуун таза алтын калды" деп айткан. Бирок ал алтындын баары эл аралык валюта резервине киреби же жокпу, такталган эмес.Дүйнөдө алтындын баасы жана доллардын курсу кандай өзгөрдүАлдыда Лондондогу баалуу металлдар рыногу ассоциациясынын кечки фиксингинин маалыматы берилди.Декабрдын башынан (1 803,15 доллар) 3-январга чейин (1 843,25 доллар, 1-2-январга карата маалымат жок) унция 40 долларга кымбаттаган. Кыргызстанда доллардын расмий курсу декабрда 1,23 сомго өсүп, 85,68ди түздү. Кеп трой унциясы — 31,1 грамм алтын жөнүндө болууда.Алтын запасынын баасынын өзгөрүшү2021-жылдын майында Улуттук банктын алтын запасынын баасы рекорд жаратып 99 миллиард сомдон ашкан. Ал эми сентябрда 29 миллиардга төмөндөгөн. Кийинчерээк 2021-жылы Улуттук банк дээрлик 20 тонна алтын сатканын жарыялаган. Өткөн жылдын январында алтындын кору 50 миллиард 159,1 миллион сом деп бааланган, башкача айтканда, бир жылда 31,7 миллиард сомго көбөйгөн. Андан соң ал олку-солку боло баштады, бирок жайдан бери тынымсыз өсүүдө.Азыркы көрсөткүч — 2021-жылдын июлунан берки рекорд.Алтын-валюталык запас (эл аралык валюталык резервдер) Улуттук банкка сомдун курсун түшүрбөй кармап турууга жол берет.Резервдер валютанын ондон ашуун түрлөрүнөн, СDR (карыз алуунун атайын укуктары — Эл аралык валюта фондунун жасалма резервдик жана төлөм каражатынан) жана алтындан турат.
https://sputnik.kg/20221224/eki-ayda-uluttuk-banktyn-altyn-koru-345-mlrd-somgo-kbyd-1071449272.html
Sputnik Кыргызстан
media@sputniknews.com
+74956456601
MIA „Rossiya Segodnya“
2023
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
экономика, алтын, запас, валюта, доллар, кыргызстан
экономика, алтын, запас, валюта, доллар, кыргызстан
Улуттук банктын алтын запасынын баасы бир жылга 31,7 млрд. сомго өстү
Кордун өскөнү эмнеге байланыштуу экени жазылган эмес.
БИШКЕК, 22-янв. — Sputnik. Улуттук банктын алтын запасынын баасы узаган жылдын декабрында 3,8 миллиард сомго өстү. Эгер бир жылдыкты ала турган болсок, 31,7 миллиардга көбөйгөн.
Улуттук банктын сайтындагы маалымат:
декабрдын башында — 78 миллиард 2 миллион сом;
2023-жылдын январынын башында — 81 миллиард 833,8 миллион.
Кордун өскөнү эмнеге байланыштуу экени жазылган эмес.
Бир нече күн мурда министрлер кабинетинин төрагасы Акылбек Жапаров башкы банктын маалыматы боюнча "бизде 40 тоннадан ашуун таза алтын калды" деп айткан. Бирок ал алтындын баары эл аралык валюта резервине киреби же жокпу, такталган эмес.
Дүйнөдө алтындын баасы жана доллардын курсу кандай өзгөрдү
Алдыда Лондондогу баалуу металлдар рыногу ассоциациясынын кечки фиксингинин маалыматы берилди.
Декабрдын башынан (1 803,15 доллар) 3-январга чейин (1 843,25 доллар, 1-2-январга карата маалымат жок) унция 40 долларга кымбаттаган. Кыргызстанда доллардын расмий курсу декабрда 1,23 сомго өсүп, 85,68ди түздү. Кеп трой унциясы — 31,1 грамм алтын жөнүндө болууда.
Алтын запасынын баасынын өзгөрүшү
2021-жылдын майында Улуттук банктын алтын запасынын баасы рекорд жаратып 99 миллиард сомдон ашкан. Ал эми сентябрда 29 миллиардга төмөндөгөн. Кийинчерээк 2021-жылы Улуттук банк дээрлик 20 тонна алтын сатканын жарыялаган. Өткөн жылдын январында алтындын кору 50 миллиард 159,1 миллион сом деп бааланган, башкача айтканда, бир жылда 31,7 миллиард сомго көбөйгөн. Андан соң ал олку-солку боло баштады, бирок жайдан бери тынымсыз өсүүдө.
Азыркы көрсөткүч — 2021-жылдын июлунан берки рекорд.
Алтын-валюталык запас (эл аралык валюталык резервдер) Улуттук банкка сомдун курсун түшүрбөй кармап турууга жол берет.
Резервдер валютанын ондон ашуун түрлөрүнөн, СDR (карыз алуунун атайын укуктары — Эл аралык валюта фондунун жасалма резервдик жана төлөм каражатынан) жана алтындан турат.
24 Бештин айы 2022, 18:21
