Туристтик сезондо милицияга 1000ге чукул ыктыярчы жардам берет
10:08 12.06.2023 (Жаңыртылды: 10:09 12.06.2023)
© Фото / пресс-служба МВД КР
Жазылуу
Туристтик маршруттар, курорттук ден соолукту чыңдоочу мекемелер текшерилмекчи.
БИШКЕК, 12-июн. — Sputnik. Кыргызстанда туристтердин коопсуздугун камсыз кылуу боюнча ИИМ иш-чаралардын комплекстүү планын иштеп чыкты. Андан сырткары, милициянын ишине көмөк көрсөтүүгө коомдук бирикмелер — 1000ге жакын ыктыярдуу элдик кошуундар тартылат.
Ички иштер министрлигинин маалыматына караганда, майда аталган ведомстводо бул багытта атайын буйрук чыгарылган. Анын негизинде туристтик активдүүлүктүн жайкы сезонунда коопсуздукту камсыз кылуу үчүн тартылган ички иштер органдарынын бөлүмдөрүнүн күчүн жана каражатын эсептеп чыгышкан. Мындан сырткары, комплекстүү иш-чаралар камтылган иш план бекитилген.
1/3
© Фото / пресс-служба МВД КР
Кыргызстанда туристтердин коопсуздугун камсыз кылуу боюнча ИИМ иш-чаралардын комплекстүү планын иштеп чыкты
2/3
© Фото / пресс-служба МВД КР
Андан сырткары, милициянын ишине көмөк көрсөтүүгө коомдук бирикмелер — 1000ге жакын ыктыярдуу элдик кошуундар тартылат
3/3
© Фото / пресс-служба МВД КР
Ички иштер министрлигинин маалыматына караганда, майда аталган ведомстводо бул багытта атайын буйрук чыгарылган
1/3
© Фото / пресс-служба МВД КР
Кыргызстанда туристтердин коопсуздугун камсыз кылуу боюнча ИИМ иш-чаралардын комплекстүү планын иштеп чыкты
2/3
© Фото / пресс-служба МВД КР
Андан сырткары, милициянын ишине көмөк көрсөтүүгө коомдук бирикмелер — 1000ге жакын ыктыярдуу элдик кошуундар тартылат
3/3
© Фото / пресс-служба МВД КР
Ички иштер министрлигинин маалыматына караганда, майда аталган ведомстводо бул багытта атайын буйрук чыгарылган
"Коомдук тартипти камсыздоого тартылган милиция кызматкерлеринин саны ыкчам кырдаалдын өзгөрүшүнө жана туристтердин келишине жараша көбөйүшү мүмкүн. Милициянын ишине көмөк көрсөтүү максатында коомдук бирикмелер — 1000ге жакын ыктыярдуу элдик кошуундар тартылат", — деп айтылат маалыматта.
Ысык-Көл районунда Бостери айылдык милиция бөлүмчөсүнүн имаратында жайкы туристтик сезон мезгилинде коомдук коопсуздукту камсыз кылуу жана туруктуу иштөөчү ыкчам тергөө топтору түзүлгөнүн билдиришти. Ал эми тартипти сактоо боюнча ИИМдин "Шумкар" атайын багыттагы полкунун милиционерлери иштейт.
Туристтик сезондун алдында милиция кызматкерлери мамлекеттик администрациялар жана жергиликтүү өз алдынча башкаруу органдары менен биргеликте туристтик маршруттарды, курорттук ден соолукту чыңдоочу мекемелерди текшермекчи.
"Текшерүү учурунда видеобайкоо жүргүзүүгө жана аймакты жарыктандырууга техникалык жактан бекемделишине, түнкү убакта курорттук зонанын калктуу конуштарын жарыктандырууга, мамлекеттик маанидеги жолдордогу маалыматтык тутумдарды өнүктүрүүгө өзгөчө көңүл бурулат", — деп айтылат маалыматта.
Туристтик сезондо Бишкек, Чолпон-Ата, Ош шаарларында туристтик милиция иштемекчи. Алар коопсуздукту камсыз кылуу, пайда болгон маселелерди чечүүгө көмөк көрсөтүү, туристтерге кеңеш жана маалымат берүү менен алектенет.
Боом капчыгайында жана Бишкек — Ош автожолундагы Төө-Ашууда күнү-түнү посттор уюштурулат. Тез жардам жана ӨКМдин куткаруучулары зарыл болгон учурда тез арада чыгып, медициналык жардам көрсөтүшөт.
Төмөнкү жерлерде ЖКККББдин көчмө посттору туруктуу жайгашкан.
"Кордай — Бишкек";
"Манас — Бишкек" аэропорту;
"Бишкек шаары — Түндүк айланма жол";
"Бишкек — Балыкчы — Каракол" (Түндүк жана Түштүк) жолдору.
Алар кызматтык автоунаалардын сыртында ишеним телефондору көрсөтүлгөн кайгуул кылган автоунааларында кызмат өтөшмөкчү.
Маалымат үчүн: Ысык-Көл облусунун аймагында эс алуу үйлөрүн, туристтик базаларды, балдардын эс алуу борборлорун кошкондо 700гө жакын курорттук-ден соолукту чыңдоочу мекеме иштейт.
Быйыл Кыргызстанга 10 миллион турист келери күтүлүп жаткандыгын Туризм департаменти билдирген.
