https://sputnik.kg/20230921/finansy-piramidasy-rossiya-ayaldy-otkorup-berdi-1078795065.html
Каржы пирамидасы. Россия алдамчылыкка шектүү аялды Кыргызстанга өткөрүп берди
Каржы пирамидасы. Россия алдамчылыкка шектүү аялды Кыргызстанга өткөрүп берди
Sputnik Кыргызстан
Аял 2020-2021-жылдары каржы пирамидасын түзгөн кылмыштуу топтун ишине катышкан деп айыпталууда. 21.09.2023, Sputnik Кыргызстан
2023-09-21T15:12+0600
2023-09-21T15:12+0600
2023-09-21T15:12+0600
россия
кыргызстан
башкы прокуратура
каржы пирамидасы
кылмыш
акча
иим
https://sputnik.kg/img/104590/78/1045907843_0:160:3072:1888_1920x0_80_0_0_c9cc947e92097351cf4f92331e485828.jpg
БИШКЕК, 21-сен. — Sputnik. Россиянын Башкы прокуратурасы кыргызстандык кесиптештеринин кылмыш жоопкерчилигине тартуу үчүн Ч.А. аттуу жаранды өткөрүп берүү өтүнүчүн канааттандырды. Бул тууралуу РФтин көзөмөл органы кабарлады.Кылмыш ишинин материалында аял 2020-2021-жылдары "Финико" (Finiko) компаниясы деген аталыш менен каржы пирамидасын түзүп иштеген кылмыштуу топтун ишине аралашкан деп айыпталууда.Басма сөз кызматынын маалыматы боюнча, шектүүгө карата сот камакка алуу чечимин чыгарып, аял издөөгө алынган. РФ мыйзамына ылайык, айыпталуучунун аракеттери кылмыштуу болуп саналып, Россиянын Кылмыш-жаза кодексинин 201 ("Кылмыштуу топтун ишине катышуу") жана 159-беренесине ("Алдамчылык") туура келет."Шектүүнү издеп таап жана өткөрүп берүү Кыргызстан менен Россиянын прокуратураларынын тыгыз кызматташуусунун негизинде ишке ашты. Өкүм күчүнө кирип, мындан улам Жаза аткаруу федералдык кызматы Ч.А. аттуу айыпталуучуну өткөрүп берди", — деп айтылат маалыматта.Эскерте кетсек, буга чейин Кыргызстандын ИИМи "Финикого" байланыштуу 141 кылмыш иши тергелип жатканын кабарлаган. Материалдык зыян бир нече миллиондоп саналат.
https://sputnik.kg/20221216/kyrgyzstan-karzhy-piramidasy-shektuu-karmaldy-1071185967.html
Sputnik Кыргызстан
media@sputniknews.com
+74956456601
MIA „Rosiya Segodnya“
2023
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
россия, кыргызстан, башкы прокуратура, каржы пирамидасы, кылмыш, акча, иим
россия, кыргызстан, башкы прокуратура, каржы пирамидасы, кылмыш, акча, иим
Каржы пирамидасы. Россия алдамчылыкка шектүү аялды Кыргызстанга өткөрүп берди
Аял 2020-2021-жылдары каржы пирамидасын түзгөн кылмыштуу топтун ишине катышкан деп айыпталууда.
БИШКЕК, 21-сен. — Sputnik. Россиянын Башкы прокуратурасы кыргызстандык кесиптештеринин кылмыш жоопкерчилигине тартуу үчүн Ч.А. аттуу жаранды өткөрүп берүү өтүнүчүн канааттандырды. Бул тууралуу РФтин көзөмөл органы кабарлады.
Кылмыш ишинин материалында аял 2020-2021-жылдары "Финико" (Finiko) компаниясы деген аталыш менен каржы пирамидасын түзүп иштеген кылмыштуу топтун ишине аралашкан деп айыпталууда.
"Шектүү компаниянын аймактагы жетекчиси жана өкүлү катары иштеген. Бул мезгил аралыгында аталган топ Кыргызстандын аймагында 100дөн ашуун кишинин 1,2 миллион долларына жана 5,7 миллион сомуна ээ болгон. Мындан тышкары, шектүү аял дагы эки адамдын ири көлөмдөгү акчасын уурдап алган", — деп айтылат кабарда.
Басма сөз кызматынын маалыматы боюнча, шектүүгө карата сот камакка алуу чечимин чыгарып, аял издөөгө алынган. РФ мыйзамына ылайык, айыпталуучунун аракеттери кылмыштуу болуп саналып, Россиянын Кылмыш-жаза кодексинин 201 ("Кылмыштуу топтун ишине катышуу") жана 159-беренесине ("Алдамчылык") туура келет.
"Шектүүнү издеп таап жана өткөрүп берүү Кыргызстан менен Россиянын прокуратураларынын тыгыз кызматташуусунун негизинде ишке ашты. Өкүм күчүнө кирип, мындан улам Жаза аткаруу федералдык кызматы Ч.А. аттуу айыпталуучуну өткөрүп берди", — деп айтылат маалыматта.
Эскерте кетсек, буга чейин Кыргызстандын ИИМи "Финикого" байланыштуу 141
кылмыш иши тергелип жатканын кабарлаган. Материалдык зыян бир нече миллиондоп саналат.
16 Бештин айы 2022, 13:12
