Шаршенбеков: "жашыл” экономиканы жайылтуу үчүн убакыт керек

Анын айтымында, бул багытта өлкөдө агартуу иштери тынымсыз жүргүзүлүүдө."Жашыл экономика” термини абдан актуалдуу. Анткени экономиканы табиятка зыян тийгизбей өнүктүрүү учурда муктаждык болуп турат. Өндүрүш, ишкерлик тармагы буга чейин "жашыл" компонентке маани бербей баштаганын эске алсак, жылыш абдан жай болору белгилүү. Ошентсе да соңку убакта бизнесмендер, жарандар тарабынан кызыгуулар күч алып жатканы байкалууда. Себеби өнүккөн өлкөлөр бул багытта кыйла алдыга озуп кетишкен. Климаттын өзгөрүп жатканынан улам айыл чарба тармагында "жашыл" технологияларды колдонуу зарылдыгы жаралууда. Ошол эле туризм багытында дагы позитивдүү жылыштар байкалууда. Ишкерлер экологияга зыян тийгизбей киреше табуу келечегинде пайдалуу экенин аңдап башташты. Ошентсе дагы "жашыл” экономиканы жайылтуу бир күндүн иши эмес жана ал үчүн убакыт талап кылынат", — деди Шаршенбеков.