Кёрлинг боюнча курама команда биринчи жолу Азия оюндарына катышат
© Sputnik / Асылбек Бактыбеков
Жазылуу
Кыргызстандын Кёрлинг федерациясынын президенти Тынчтыкбек Саматов өлкөдө спорттун бул түрү жылдан-жылга өнүгүп, курама эл аралык ири мелдештерге катыша баштаганын айтты.
Кыргызстандын кёрлинг боюнча курама командасы биринчи жолу кышкы Азия оюндарына катышат. Бул тууралуу Тынчтыкбек Саматов Sputnik Кыргызстан радиосуна маек куруп жатып билдирди.
Кёрлинг боюнча курама команда биринчи жолу Азия оюндарына катышат
Анын айтымында, Кытайдын Харбин шаарында өтө турган IX Азия оюндарына жалпы тогуз спортчу катышып, мелдештерде күч сынашат.
"Кыргызстанда Кёрлинг федерациясы ачылып, команданын түптөлгөнүнө көп болгон жок. Бирок кыска убакытта жакшы көрсөткүчтөргө жете алдык. Мисалы, былтыр Шотландияда Олимпиада оюндарына тандап алуу мелдешине, бир катар эл аралык турнирлерге да катыштык. Эми тарыхта биринчи жолу кышкы Азия оюндарына барабыз. Кытайдын Харбин шаарында өтө турган IX Азия оюндарына Бексултан Мырзабаев, Исхак Абыкеев, Мухамед Дасифу, Айбек Асаналиев, Керемет Асанбаева, Амина Юсупова, Тунук Сексенова, Нурданат Уланова, Айсулуу Мейманбек кызы барат. Учурда окуу-машыгуу жыйындары өтүп, даярданып жатышат", — деди Саматов.
Ошондой эле ал Дене тарбия жана спорт департаменти чоң колдоо көрсөтүп, кышкы спорттун өнүгүшү үчүн чоң иш жасап жатышканын кошумчалады.
