Топчугүл Шайдуллаева

Шайдуллаева Топчугүл Баткен районунун Карабулак айылында төрөлгөн. Кыргыз мамлекеттик университетинин журналистика бөлүмүн аяктаган. 1992-жылы "Азыркы айылдык кыргыз үй-бүлөсүнүн структурасынын жана функциясынын аймактык өзгөчөлүктөрү" темасында социология багытында кандидаттык диссертациясын коргогон. Кыргызстандын жогорку окуу жайларында жыйырма жылдан ашуун эмгектенген. Аялдар, үй-бүлө, балдар маселелери боюнча окумуштуу-адис. Кызбала", "Кыргызстандагы гендердик өнүгүү", "Ташка чыккан гүл" аттуу илимий-публицистикалык жана " Жан шерик", "Акылкасас", "Кызыл өрүк", "Всему свое время" аттуу көркөм адабий китептердин автору.