БИШКЕК, 22-авг. — Sputnik. Бишкек мэриясы Кыргызстандын эгемендүүлүк күнүнө карата майрамдык иш-чаралардын программасын жарыялады.
Билдирмеге караганда, иш-чара эртең мененки, күндүзгү жана кечки болуп үч блокко бөлүнөт.
Программа:
- 10.00 — салтанаттуу иш-чара башталат;
- 11.00 — эски аянтта күрөш фестивалы өткөрүлөт. Ошондой эле чыгармачыл адамдардын катышуусунда концерт уюштурулат;
- 19.00 — эстрада ырчылары катышкан кечки шоу-программа уюштурулуп, саат 23.00дө фейерверк менен аяктайт.
Шаардык муниципалитет майрамдык иш-чараларды парктарда, скверлерде, кичи райондордо жана конуштарда дагы уюштурат.
Октябрь району
30-август күнү саат 16.00дө борбор калаанын 125 жылдыгы паркында (Асанбай кичи району) "Менин сүйүктүү Кыргызстаным" иш-чарасы өткөрүлөт. Каалоочулардын бардыгы концерттик программа менен көргөзмөгө күбө боло алышат;
31-августта саат 10.00дө Ата Түрк паркында бардык шаар тургундары үчүн майрамдык концерт уюштурулат. Ал эми "Көк-Жар", "Алтын-Ордо", "Рухий-Мурас" конуштарында спорттун улуттук түрлөрү боюнча таймаштар өтөт;
- 10.00 — 12.00 — Ишеналы Арабаев атындагы КМУнун стадионунда мини-футбол, волейбол жана жеңил атлетика боюнча жарыштар өтөт;
- 10.00 — 14.00 — 3-4-5-кичи райондордо №17 билим берүү мекемесинин аймагында "Менин Кыргызстаным" аттуу асфальтка сүрөт тартуу сынагы уюштурулат;
- 10.00 — 15.00 — "Көк-Жар", "Алтын-Ордо", "Рухий-Мурас" конуштарында спорттун улуттук түрлөрү боюнча сынактар уюштурулат;
- 11.00 — Дайыр Асанов атындагы жеңиш багында "Аралаш-Fest" маданият фестивалы өткөрүлөт;
- 11.00 — 14.00 — 6-7-кичи райондун көчө командалары спорттун бир катар түрү боюнча күч сынашат;
Ленин району
- 10.00 — "Фламинго" паркында балдар үчүн майрамдык иш-чаралар уюштурулса, "Фучик" сейил багында спорттук таймаштар өткөрүлөт;
- 12.00 — 16.00 — Токтогул Сатылганов атындагы филармония менен жаштар аллеясында майрамдык концерт, айкидо, самбо, дзюдо, күрөш боюнча таймаштар өтөт.
Свердлов району
- 10.00 — "Учкун" кичи району менен "Дордой" конушунда балдар үчүн спорттук таймаштар уюштурулат. Ушул эле убакта Кара-Жыгач токоюнда концерттик программа коюлат;
- 11.00 — Чыгыш-5 кичи району менен "Келечек" конушунда спорттук беттештер өтөт. Ошондой эле "Красный строитель" конушунда "Кыргызстаным" аттуу майрамдык иш-чара өткөрүлөт;
- 12.00 — Чүй проспектисинде жайгашкан №43, 45, 47, 61, 63, 65, 75, 77 үйлөрдүн алдында спорттук иш-чаралар өтөт;
- 13.00 — 18.00 — "Жеңиш" паркына келгендер эксклюзивдүү автоунаалардын көргөзмөсүнө, ошондой эле концерттик программага күбө боло алышат.
Биринчи Май району
- 10.00 — №36 орто мектептин аянтында мини-футбол (15 жашка чейин), аркан тартыш жана баскетбол оюндары өткөрүлүп, концерт коюлат;
- 10.00 — №78 орто мектептин аянтында улуттук тамак-аш көргөзмөсү менен мини-футбол уюштурулат;
- 10.00 — "Ак-Босого" конушундагы №81 мектептин аянтында маданий иш-чаралар өткөрүлөт.
"Щербаков", "Көлмө", "Жеңиш", "Бугу-Эне-Багыш", "Касым", "Маданият", "Аска-Таш", "Ак-Босого" конуштарында оюн-зооктор өткөрүлөт.
