БИШКЕК, 28-июн. — Sputnik. Бишкекте 25 жаштагы жигит бычакталып өлтүрүлгөнүн Sputnik Кыргызстан агенттигине Бишкек ШИИБ билдирди.
Окуя тууралуу маалымат Свердлов РИИБге 27-июнь күнү саат 23.30дар чамасында түшкөн.
"Милиционерлер жигиттин өз үйүндө бычакталганын аныкташты. Тез жардамды күтпөстөн ооруканага жеткирүү аракеттери болгон. Кылмышка шектүү катары 17 жаштагы кыз кармалды", — дешти маалымат кызматтан.
Учурда тергөө иштери жүрүүдө.
