Араван округу боюнча Жогорку Кеңешке депутат болгусу келгендер. Тизме
22:32 31.10.2021 (Жаңыртылды: 14:27 14.12.2021)
© Sputnik
Жазылуу
Бир мандаттуу округдан эң көп добуш алган талапкер Жогорку Кеңешке келет. №6 Араван шайлоо округунда жалпы 91 029 шайлоочу бар.
БИШКЕК, 31-окт. — Sputnik. Борбордук шайлоо комиссиясы Ош облусунун №6 Араван шайлоо округунан көрсөтүлгөн талапкерлердин тизмесин жарыялады.
Бир мандаттуу шайлоо системасы менен Араван округунан алты талапкер чыкты.
- Нурбаев Жалолидин Паязидинович, 16.07.1970, Скрябин атындагы айыл чарба институтун агрономия багыты боюнча бүтүргөн. Айыл өкмөт башчысы болуп иштейт;
- Абдувалиев Давлатбек Маматурдиевич, 23.04.1978, Бишкек финансы-экономикалык техникумун бухгалтердик эсеп жана чарбалык ишмердүүлүктү анализдөө, Ош техникалык университетин бухгалтердик эсеп жана аудит адистиги боюнча аяктаган. Учурда Түндүк-Батыш бажысынын "Ош" бажы процесстери борборунда өткөрүү пунктунун жетекчиси болуп эмгектенет;
- Обдунов Элмурат Адбувапович, 24.09.1969, Ош мамлекеттик педагогикалык институтун география жана биология багыты боюнча аяктаган. Учурда эч жерде иштебейт;
- Нурбаев Бакытбек Токтосунович, 11.05.1973, Ишеналы Арабаев атындагы Кыргыз мамлекеттик университетинде укук тануу багыты боюнча окуган. Ош шаарында жеке нотариус.
- Гаипов Адахамжон Алимжонович, 19.05.1964, Ош технологиялык университетин транспорттук процесстердин технологиясы адистиги боюнча бүтүргөн. Азыр Сыдыков атындагы Кыргыз-өзбек эл аралык колледжинде мугалим болуп иштейт.
- Маннанов Ильхом Абдукахарович, 02.04.1975, ИИМ академиясында укук тануу багыты боюнча билим алган. ЖК депутаты.
№6 шайлоо округуна Араван районунун Алля Анаров, Керме-Тоо, Маңгыт, Нур-Абад, Юсупов, Тепе-Коргон, Чек-Абад айыл аймактары жана Кара-Суу районунун Кызыл-Кыштак айыл аймагы кирет. Жалпы шайлоочуларынын саны — 91 миң 29.
