Талас шайлоо округунан депутаттыкты мелжеген талапкерлер. Көбү бизнесмен
02:48 02.11.2021 (Жаңыртылды: 14:27 14.12.2021)
© Sputnik
Жазылуу
Бул округдагы шайлоочулардын саны — 80 433. Талапкерлердин басымдуу бөлүгү ишкерлер, калганы жумушсуздар.
БИШКЕК, 2-ноя. — Sputnik. Борбордук шайлоо комиссиясы Талас облусунун №21 Талас шайлоо округунан көрсөтүлгөн талапкерлердин тизмесин жарыялады. Бул аймактан парламенттик шайлоого сегиз жаран аттанды.
Талапкерлердин материалда көрсөтүлгөн ирети бюллетендеги катар номерине карап жазылды.
- Айткулов Муктарбек Мукулович, 28.11.1966, Кыргыз архитектура-курулуш институтунда "өнөр жана жарандык курулуш" адистигин бүтүргөн. "Бишкек" коомдук бирикмесинин төрагасы;
- Бузурманкулов Айбек Мырзакеримович, 02.12.1983, Президенттин алдындагы башкаруу академиясында "каржы жана кредит" адистигин окуган. "РСК банктын" директорлор кеңешинин мүчөсү;
- Жунусбеков Төрөкан Бейшенбекович, 12.02.1978, Кыргыз мамлекеттик техникалык университетинде "экономика ишкердиги" адистигин бүтүргөн. Жумушсуз;
- Айталиев Таалайбек Дөөлөтказиевич, 17.05.1982, Кыргыз улуттук университетинде окуган, адистиги жазылган эмес. "Сенгсан-Трэйд" компаниясынын директору;
- Чойбеков Бактыбек Каныбекович, 15.09.1977, Бишкек гуманитардык университетинин "дүйнөлүк экономика" адистигин бүтүргөн. Учурда иштебейт.
- Абдыкадыров Эмилбек Мырзакулович, 02.06.1958, Фрунзе техникалык институтунда "жылуулук, газ менен жабдуу жана желдетүү" адистигин окуган. Марксизм-ленинизм университетинде "Партиялык курулуш", Кыргыз мамлекеттик улуттук университетинде "каржы жана кредит" адистигин бүтүргөн. "Нур Строй Монтаж" компаниясынын директору;
- Сариев Эсен Тыныбекович, 28.07.1987, Түркияда Мармар университетинин банк иши жана камсыздандыруу жогорку мектебинде "банк иши" адистигин аяктаган. "Тат Бурчак" компаниясынын кызматкери;
- Нусубалиев Токтоналы Сатарович, 05.04.1960, Фрунзе техникалык институтунда "өнөр жай жана жарандык курулуш" адистигин окуган. ИлТегСтрой компани" ЖЧКда жетектөөчү адис;
№21 округдагы шайлоочулардын саны — 80 433. Ага Талас шаары жана Талас району, Бакай-Ата районунун Акназаров, Шадыкан, Кең-Арал, Өзгөрүш айыл аймактары кирет.
Бир мандаттуу округдан эң көп добуш алган талапкер Жогорку Кеңештин депутаты мандатын алат. Эгер добуштар тең чыгып калса, БШКга биринчи болуп документ тапшырганы жеңүүчү аталат.
