Москва шайлоо округунан депутаттыкка кимдер ат салышат? Тизме
03:03 02.11.2021 (Жаңыртылды: 14:27 14.12.2021)
© Sputnik
Жазылуу
Москва шайлоо округу боюнча Жогорку Кеңештин депутаттыгына аттанган талапкерлердин саны 12 адам. Алардын аты-жөнү чүчү кулак кармоо менен тандалган бюллетендеги номерине карап, ирети менен жазылды.
БИШКЕК, 2-ноя. — Sputnik. Борбордук шайлоо комиссиясы №23 Москва шайлоо округунан көрсөтүлгөн талапкерлердин тизмесин жарыялады.
Бир мандаттуу шайлоо системасы менен Москва округунан 12 талапкер чыкты. Тизме чүчү кулак кармоо боюнча тандалган бюллетендеги номерине карап, ирети менен жазылды.
- Енгалычев Евгений Равильевич, 27.11.1984, Кыргыз улуттук университетин "математика" адистиги боюнча аяктаган. Учурда БШКда системалык администратор болуп эмгектенет;
- Зикиров Жусупбек Камчыбекович, 24.09.1969, Кыргыз мамлекеттик юридикалык академиясын "юриспруденция" адистиги боюнча жана Кыргыз улуттук агрардык университетин "агроинженер" адистиги боюнча аяктаган. Учурда эч жерде иштебейт;
- Мырзаканов Раад Бакашевич, 25.10.1966, Кыргыз айыл чарба институтун "агроном" адистигин жана ИИМдин академиясын "юриспруденция" адистиги боюнча аяктаган. Учурда пенсионер;
- Иманкулов Талай Маданбекович, 16.11.1967, СССРдин 50 жылдыгы атындагы Кыргыз мамлекеттик университетин "өндүрүштү пландаштыруу" адистиги боюнча аяктаган. Иштеген жери көрсөтүлгөн эмес;
- Ибраимова Атыркул Сыйдалиевна, 27.07.1962, СССРдин 50 жылдыгы атындагы Кыргыз мамлекеттик университетин кыргыз тили жана филологиясы факультетин аяктаган. Учурда жеке ишкер;
- Мамутов Ахматжан Рахимович, 16.02.1970, Кыргыз улуттук университетин юриспруденция адистиги боюнча аяктаган. Иштеген жери көрсөтүлгөн эмес;
- Мадылбеков Туратбек Мадылбекович, 04.11.1954, Россиянын Омск шаарындагы милициянын жогорку мектебин "юриспруденция" адистиги боюнча бүтүргөн. Учурда пенсионер;
- Жекшенов Мирлан Ратынбекович, 05.03.1986, Кыргыз мамлекеттик техникалык университетин" ташууларды уюштуруу жана транспортту башкаруу" адистиги боюнча бүтүргөн. Буга чейин Жаңы-Жер айыл аймагынын башчысы болуп иштеп, шайлоого карата кызматын тапшырган;
- Бөлөкбаев Эркин Касымович, 03.03.1961, Кыргыз улуттук университетин "юриспруденция" адистиги боюнча аяктаган. Учурда эч жерде иштебейт;
- Ханджеза Карим Лемзарович, 22.08.1982. Кыргыз-Россия Славян университетин "эл аралык мамилелер" адистиги боюнча аяктаган. Учурда жеке ишкер;
- Жабаев Ринат Шаршенбекович, Кыргыз улуттук университетин "мамлекеттик муниципалдык башкаруу" адистиги боюнча аяктаган. Иштеген жери көрсөтүлгөн эмес;
- Нажиев Мирбек Дүйшөнбекович, 29.03.1985. Кыргызстан эл аралык университетин "экономика" адистигин жана Кыргызстан эл аралык университетинин окуу-илимий өндүрүштүк комплексинде "юриспруденция" адистигин бүтүргөн;
Москва шайлоо округунда жалпы 87 801 шайлоочу бар. Ага Москва району толугу менен Сокулук районунун Төмөнкү Чүй, Ат-Башы, Жаңы-Жер, Камышановка, Жаңы-Пахта, Биринчи май айыл аймактары кирет.
