БИШКЕК, 14-дек. — Sputnik. КТРК шайлоолордон түшкөн кирешелерди чогултуп, жазында көчмө телестудия сатып аларын Sputnik Кыргызстан агенттигине каналдын директору Илим Карыпбеков билдирди.
Эскерте кетсек, үстүбүздөгү жылдын 11-декабрында Кыргызстандын 22 шаары менен 389 айыл аймагында жергиликтүү кеңешке шайлоо өтүп, үгүт кампаниясынан КТРК 15 миллион сом киреше тапкан.
"Биз көчмө телестудия сатып алууну көптөн бери пландап жүрдүк эле. Сураштырып көрсөк, анын баасы орто эсеп менен 1,5 миллион доллардын тегереги экен. Заман талабына жооп берген андай студияларды Европа мамлекеттеринде жасашат. Буюрса, келаткан жылдын май айында жаңы көчмө студиялуу болобуз", — деди Карыпбеков.
Анын айтымында, телеканал парламенттик шайлоодон түшкөн кирешени үстүнө акча кошуп көчмө телестудия алуу максатында коротпой кармап келген.
