БИШКЕК, 22-май. — Sputnik. Өкмөт башчы Сооронбай Жээнбеков калаадагы "Ак-Кула" ат майданын реконструкциялоо боюнча жыйын өткөрдү. Бул тууралуу өкмөттүн маалымат кызматы кабарлады.
Жыйында Бишкектеги башкы ат майданды толугу менен жаңылоо боюнча эскиздер сунушталды. Долбоордо көрүүчүлөр отурган орундуктардын санын 10 миңге чейин көбөйтүү каралган.
Жээнбеков ипподром эл аралык стандартка жооп бериши керектигин баса белгиледи.
"Ак-Кула" ат майданында ат оюндары жана ушул сыяктуу ири иш-чаралар өткөрүлөт. Аны жаңылоодо бардык көйгөлөр эске алынып, сапаты жогорку деңгээлде болушу керек", — деди премьер-министр.
Жыйындын соңунда ат майдандын жаңы долбоору кайрадан иштеп чыгууга берилип, андан соң өкмөттүн кароосуна коюу милдети жүктөлдү.
Эске салсак, өкмөт башчы буга чейин ат майдандын абалы менен таанышып, ипподромду оңдоп-түзөө керектигин айткан.
