БИШКЕК, 4-июн. — Sputnik. Лондон шаарындагы түндө жасалган эки терактыдан алты адам каза таап, 30га жакыны ооруканага түштү. Бул туурасында РИА Новости Британиянын Саламаттык сактоо боюнча улуттук кызматына таянып кабарлады.
Жекшембиге караган түнү элге эки ирет кол салуу жасалган. Лондондогу көпүрөдө жүргөндөрдү кичи автобус тебелетип кетсе, ал эми Боро деп аталган базардын жанындагы адамдар бычак жеген.
Полиция алгач 20 адамдын ооруканага түшкөндүгүн кабарлап, кийин алардын саны 30га жеткендигин айтты.
Маалыматтарда полиция кол салууну жасаган үч кишини аларга кабар түшкөндөн соң 8 мүнөттө жок кылганы айтылууда. Укук коргоо органдарынын айтымында, алардын белинде жан кечтинин муляжы болгон.
Бул акыркы 2,5 ай ичинде Улуу Британияда жасалган үчүнчү теракты болду. Буга чейин эки ирет жасалган кол салуудан бир канча киши мерт кеткен.
