БИШКЕК, 8-авг. — Sputnik. Казакстандын Жамбыл облусунда болгон жол кырсыгынан жаракат алгандардын абалы өлүм менен өмүрдүн ортосунда экенин Приозерск шаарынын борбордук ооруканасынын директору Нурлан Шагиров Sputnik агенттигине маалымдады.
КР Өзгөчө кырдаалдар министрлигинин маалыматына ылайык, 7-августта эртең менен Астана – Шымкент кан жолунун 405-чакырымында автобус менен жеңил автоунаа кагышкан. Анын кесепетинен төрт кыргызстандык каза болуп, үчөө оор жаракат алган.
Шагиров билдиргендей, 41 жаштагы Жалал-Абад облусунун тургуну Гүлбайра Атамирзаева Россиянын аскер госпиталына жеткирилип, ал жактан каза болгон. Айдоочу жана эки жүргүнчү кырсык болгон жерден мүрт кеткен.
Дарыгердин айтымында, учурда каза болгондорго карата сот-медициналык экспертиза дайындалды.
