БИШКЕК, 9-авг. — Sputnik. Бишкек шаарынын мэри Кубанычбек Кулматовдун демилгеси менен Эгемендүүлүк күнүнө карата Ала-Тоо аянтындагы мрамордук комплекс тазаланууда. Бул тууралуу мэриянын маалымат кызматы билдирди.
Борбордук аянттагы мрамор имараттар 1984-жылы курулгандан бери бир да жолу тазаланган эмес.
Ала-Тоо комплексине "Илбирс" жана Агроөндүрүш имараттары кирет. Учурда тазалоонун биринчи баскычы жүрүүдө. Экинчисинде Тарых музейи менен филармониянын тышы тазаланат.
Ошондой эле Манастын айкели да жууп-тазаланды.
Тазалоо иштери 27-июлда башталган жана август айынын аягына чейин уланат.
