БИШКЕК, 29-сен. — Sputnik. Ирандын диний лидери аятолла Али Хаменеи Сауд Аравиясынан Меккеде тепсендиде калып каза болгон ирандык 160 зыяратчы үчүн кечирим суроону талап кылды. Бул туурасында ВВСнин маалымат кызматы билдирди.
Трагедия 24-сентябрда Меккеге жакын Мина өрөөнүндө шайтанга таш ыргытуу учурунда болгон. Анда 717 зыяратчы тепсендиде калып каза болуп, 900дөн ашыгы жаракат алган.
Аятолланын расмий маалыматында, ислам дүйнөсүнүн Мекке трагедиясы боюнча Эр-Риядга бере турган сурооору көп экендиги айтылат.
"Сауд Аравиясы баары кыдырата күнөөлөгөндөн көрө, жоопкерчиликти өзүнө алып, каза болгон мусулмандардын үй-бүлөсүнөн кечирим сурасын. Ислам дүйнөсүнүн суроолору али көп", — деп айткан Хаменеи.
Сауд Аравиясы буга чейин Тегерандын койгон күнөөлөрүн четке кагып, Иранды адам өмүрүн алган кырсыктан саясат жасап жатат деп күнөөлөгөн.
