БИШКЕК, 15-окт. — Sputnik. Алыш күрөшү боюнча Кыргызстандын курама командасы Польшада өткөн дүйнө чемпионатынан үч медаль тагынып келгенин Мамлекеттик дене тарбия жана спорт агенттиги билдирди.
11 Тогуздун айы 2015, 16:02
Мелдеш 9-12-октябрь күндөрү өтүп, ага Европа, Азия, Түштүк Америка жана Африкадан келген 24 балбан катышкан.
100 килограммга чейинки салмактык категория боюнча финалдык беттеште Кадыр Келсинбеков украиналык балбанды көтөрүп чаап, алтын медалга ээ болду.
Ошол эле күнү 70 жана 90 килограммга чейинки салмакта Мырзабек Кочкоров менен Чыңгыз Чалабаев экинчи орунду ээлешти.
Алыш — курчан күрөш, мында балбан атаандашын уруксат берилген ыкмалар менен аркасына көтөрүп чабышы шарт.
