БИШКЕК, 7-дек. – Sputnik. Түрк бийлиги адам органдарын сатат деген шек менен Израилдин жаранын кармады деп жазат Salon басылмасы түрк ЖМКларына таянуу менен.
Түрк сотунун чечимине ылайык, 40 күндөн кийин шектелүүчү Израилге жөнөтүлүп, ал жактын сот тарабынан ага айып коюлат. Вольфманга Интерпол Косово, Азербайжан жана Шри-Ланка өлкөлөрүндө 2008-2014-жылдары адам органдарын сатып, мыйзамсыз трансплантациялоолор үчүн издөө жарыялаган. Ал ар бир сатылган орган үчүн 70-100 миң евро алып турган. Мыйзамсыз операциялар учурунда донорлорго мүмкүн болчу коркунучтар жөнүндө эскертилбей жана операциядан кийинки медициналык көзөмөл камсыз кылынган эмес. Анын натыйжасында бир өспүрүм бала шал болуп калган.
Salon белгилегендей, Жакынкы Чыгышта акыркы жылдары Сириядан качкындардын көп болушуна байланыштуу донорлук органдардын мыйзамсыз рыногу гүлдөп жатат.
