БИШКЕК, 18-дек. — Sputnik. Кыргызстандык Жаркынбек Байзаков жоокердик самбо боюнча дүйнө чемпионатын жеңип алганын Sputnik агенттигине спортчунун насаатчысы Нургазы Амиракулов билдирди.
Маалыматка ылайык, үстүбүздөгү жылдын 11-12-декабрь күндөрү Москва шаарында профессионалдык жоокер самбосу боюнча XXI дүйнө чемпионаты болуп өттү.
"Биринчиликке "Айкөл-Манас Кыргызстан" клубунун өкүлү "Алтын бала каймана аты бар Жаркынбек Байзаков 57 килограмм салмак ченинде алтын медалга ээ болду", — деди машыктыруучу.
Чемпионго эл аралык класстагы спорттун чебери наамы ыйгарылды.
