БИШКЕК, 8-июн. — Sputnik. Бишкекте 10 жылдан бери издөөдө жүргөн ички иштер органынын мурунку кызматкери кармалды. Бул тууралуу Баңгизатты көзөмөлдөө боюнча мамлекеттик агенттик билдирди.
37 жаштагы жаран баңгизатты мыйзамсыз жүгүртүү боюнча кылмышка тиешеси болгону үчүн изделип келген.
Ал Бишкектин "Көк-Жар" жаңы конушунан колго түшүрүлүп, учурда убактылуу кармоочу жайга киргизилди. Тергөө иштери жүрүп жатат.
