Жер көчкү жүргөн Алмалуу-Булак айылынын тургундары митингге чыгышты

ЖАЛАЛ-АБАД, 23-авг. — Sputnik. Алты үйдү басып, 15 жашар өспүрүмдүн өмүрүн алган жер көчкү Жалал-Абад облусунун Алмалуу-Булак айылында болуп өткөн. Бүгүн айылдын тургундары митингге чыкканын билдиришти. 

27-29 апрелде Кызыл-Туу айыл аймагында төрт жолу жер көчкөн. Аталган айыл ошол аймакка карайт. Жер көчкү алты үйдү алып, бир өспүрүмдүн өмүрүн кыйган. 

Тургундардын айтымында, Сузак районунун администрациясынын алдына 20 чакты адам митингге чыккан. Жергиликтүү бийлик аларга кооптуу жактан жер берүүнү жана үстөксүз насыя берүүнү убадалаган. 

ӨКМдин жергиликтүү башкармалыгынын жетекчисинин милдетин аткаруучу Абдишарип Бекиловдун айтымында, тургундарга кооптуу жайдан жер берилгени менен тилкелерди трансформациялоо боюнча маселе чечиле элек. 

Айыл тургундарына коопсуз жактан жер бөлүп берүү убадаланган.Айылдын тургуну Айнагүл Кошалиева жергиликтүү бийлик төрт айдан бери куру убада менен оозантып келе жатканын белгиледи.

"Төрт ай өттү, биз менен эч кимдин иши жок. Электр энергиясыз жашап жатам. Балдарым каякка барым билим аларын да билбейм", — деп нааразы болду ал. 

Райондун акими Абдимуктар Маматов жашоочулардан 35 гектар жердин трансформацияланышын күтүп туруусун өтүндү. 

"Кичине сабыр кылгыла. Кышка чейин жер тилкелери берилет. Убада берем", — деди район башчысы.

Түшүндүрүү иштеринен кийин митингге чыккандар тарап кетишти.