БИШКЕК, 15-сен. — Sputnik. Улуттук банк шаршемби күнү валюта базарынан 6,8 миллион доллар сатып алганын расмий сайтына жарыялады.
Доллардын расмий курсу шаршембиге салыштырмалуу 25 тыйынга арзандап, 15-сентябрга карата 68,7 сомду түздү.
Жыл башынан бери башкы банк 118,13 миллион доллар сатса, 181,8 миллион доллар сатып алган.
Улуттук банк интервенцияларды ар кыл себептер менен, анын ичинде валюта курсунун туруктуулугун кармап туруу үчүн ишке ашырат.
