Айдоочу аялды сүзгөнгөндөн кийин скутер айдаган баланы коюп, андан ары май куюучу жайды сүзүп барып токтогон.
БИШКЕК, 22-сен. — Sputnik. Бишкек шаарынын Түштүк батыш көрүстөнүнүн жанынан коляска сүйрөп бараткан келинди эки ымыркайы менен автоунаа сүзүп, айдоочусу качып кеткенин күбө Sputnik Кыргызстан агенттигинин WhatsApp каналы аркылуу билдирди.
Анын айтымында, окуя 21-сентябрда кечке жуук болгон. Келиндин абалы азыр белгисиз.
Күбө андан сырткары келинди сүзүп кеткенден кийин айдоочу скутер айдаган баланы сүзүп, андан кийин май куюучу жайды сүзүп токтогонун билдирди.
"1,5 жаштагы баласы оор абалда, кичинеси жакшы", — дейт күбө. Ал ошондой автоунаа коюп кеткен келин 23 жашта экенин кошумчалап, учурда окуя болгон жерден качып кеткен Infiniti үлгүсүнөгү жол тандабастын айдоочусу изделип жатканын айтты.
Күбө андан сырткары келинди сүзүп кеткенден кийин айдоочу скутер айдаган баланы коюп, андан кийин май куюучу жайды сүзүп токтогонун билдирди.
Азырынча милиция менен тез жардам кызматынан комментарий алууга мүмкүн болгон жок.
Эгер кандайдыр бир окуяларга туш болуп калсаңыз биздин +996 706 566 544 WhatsApp номерибиз аркылуу жибериңиз.
