БИШКЕК, 5-дек. — Sputnik. Ырчы Кайрат Примбердиевдин үйүнө кирген уурулар калтырган манжа издери алынганын Чүй облустук ички иштер башкы башкармалыгынын маалымат кызматы билдирди.
Эске салсак, 4-декабрда ырчы үйүнө ууру киргенин айтып, 3-3,5 миң долларлык баалуу буюмдарын алып кеткенин айткан.
"Ырчыдан Сокулук РИИБна арыз келип түшкөн. Азыр тергөөчүлөр уурулардын калтырган манжа издерин алышты. Тергөө амалдары жүрүүдө", — деп маалымдашты.
Белгилей кетсек, Кайрат Примбердиев учурда Россиянын биринчи каналы уюштурган "Голос" шоусунун чейрек финалына өткөн. Ал эми былтыр "Главная сцена" сынагында финалга чейин жеткен.
