БИШКЕК, 23-дек. — Sputnik. 22-декабрь күнү Сириянын Алеппо шаары куралчан террорчулардан толугу менен бошотулуп, эл көчөгө чыкканын РИА Новости жазды.
"Бүгүн төгүп турган жаан, муздак шамал дагы көчөгө чыгып, бири-бирин куттуктап жаткан элдин агымын токтоло албайт. Анткени бул акыркы беш жылдыктагы эң маанилүү окуя. Сириянын түндүк борбору куралчан террористтерден толугу менен тазаланды", — деп жазылат макалада.
Өлкө президенти Башар Асад жакында эле "Аль-Ватан" гезитине маек берип, анда Сирия аскеринин Алеппону көзөмөлдөөнү өз колуна алышы террорчулар менен аларды колдогондор үчүн катуу сокку болорун айткан.
"Тынч заманда Сириянын экономикалык борбору болуп эсептелген Алеппо шаары үчүн күрөш шаардын өзүндө гана эмес, дипломаттар деңгээлинде дагы жүргүзүлдү. Бул жагынан эки держава: Россия жана АКШнын ортосундагы сүйлөшүүлөр көңүл чордонунда болду", — деп айтылат билдирүүдө.
Учурда шаар көчөлөрүнө көптөгөн эл чыгып, бири-бирин кучактап, куттуктап жатышат. Кубанычтын көз жашын токтото албагандар толтура. Көчөгө чыккандардын арасында Сириянын туусу менен орус желегин көтөрүп, бүгүнкү майрам үчүн Россияга ыраазычылык билдирип жүргөндөр арбын.
