БИШКЕК, 13-фев. — Sputnik. Бишкек шаарынын Абдрахманов менен Москва көчөлөрүнүн кесилишинде троллейбус менен маршрутка кагышканын Кайгуул милициясы билдирди.
Маалыматка ылайык, кырсык бүгүн саат 12:45те болгон.
"Троллейбус Абдрахманов көчөсүндө токтоп турган. Арт жактан 117-маршрутка келгенде, троллейбус ордунан жылып баратып аны сүзүп алган. Катуу соккудан улам маршрутканын каптал терезеси сынып калган", — деп жазылат маалыматта.
Жол кырсыгынан эч ким жабыркаган эмес.
