БИШКЕК, 21-фев. — Sputnik. Кыргызстандык Евгений Ваккер велоспорт боюнча Бахрейндеги Азия биринчилигине катышат. Бул тууралуу Жаштар иши, дене тария жана спорт мамлекеттик агенттиги билдирди.
Маалыматка ылайык, Ваккердин Түркиядагы машыгуулары аяктап калды. Ал эми Азия биринчилиги 23-февралдан 4-мартка чейин өтөт.
Анда кыргызстандык спортчу таймашка 27-февралда чыгат, ал эми 2-мартта 180 чакырым аралыктагы тайпалык жарышта күч сынашат.
Кошумчалай кетсек, аталган чемпионатта буга чейин Ваккер төрт алтын, төрт коло жана эки күмүш медаль уткан.
