БИШКЕК, 19-Мар. — Sputnik. Бишкекте Шабдан баатыр (мурдагы Алматы — ред.) көчөсү менен Лев Толстой көчөсүнүн кесилишиндеги көпүрөдөн бир улан кулап түшкөндүгүн Sputnik Кыргызстан агенттигине окуянын күбөсү WhatsApp аркылуулуу кабарлады.
Анын айтымында окуя бүгүн 19-мартта саат 13.20да болгон.
"Болжол менен 20-25 жаш курактагы жигит өзүн-өзү асууга аракет кылганда, жиби үзүлүп кетип, унаа жолго кулап түшкөн. Ошол маалда аталган жолдон өтүп бара жаткан Кайгуул милициясынын кызматкерлери токтоп, жолду тосуп, Тез жардам чакырган. Жабырланган жаран эс-учун жоготкен эмес", — деди күбө.
Ал эми Бишкек ШИИБи бул туурасында маалымат түшө электигин айтты.
Эгер кандайдыр бир окуяларга күбө болуп, сүрөт, видео тартсаңыз Sputnik Кыргызстан агенттигинин WhatsApp номери аркылуу билдириңиз.
