Мадалбеков: электр энергиясына акынын көп чыгышы техникалык мүчүлүштүктөн болгон
Электр энергиясына акынын көп чыгышы техникалык мүчүлүштүктөн болгон. Бул тууралуу Sputnik Кыргызстан агенттигине "Түндүкэлектр" ишканасынын электр энергиясын сатуу бөлүмүнүн башчысы Алмазбек Мадалбеков билдирди.
Эске сала кетсек, жарандар акыркы беш айдан бери "акылдуу" эсептегичтердин иштеши боюнча тургундардан көптөгөн арыздар келип түшүүдө. Алар колдонгон электр энергиясы үчүн ири суммадагы каражат чыгып жатканын айтып даттанышкан.
"Бүгүнкү күндө Бишкек боюнча 17 миңден ашуун акылдуу эсептегичтер орнотулган. Үстүбүздөгү жылдын январь-февраль айында кардарлардын бир бөлүгүнө акынын көп келиши "Сапатком" байланыш ишканасынын техникалык мүчүлүштүктөрүнөн улам болгон. Анда "Сапатком" акылдуу эсептегичтеринин көрсөткүчтөрүн так жана убагында алып бере алган эмес", — деди Мадалбеков.
Ал учурда маселе чечилгенин айтып, мындай жагдай экинчи кайталанбай тургандыгын кошумчалады.
