БИШКЕК, 13-май — Sputnik. Тоо-металлургия профсоюзунун борбордук комитети Жыргалаңдагы "Дөргө көмүр" шахтасындагы уранды алдында калган шахтерлорду куткарууга катышкан кызматкерлерди ардак грамотасы менен сыйлай турганын аталган комитеттин төрагасы Элдар Тажибаев билдирди.
Мындан тышкары, шахтерлор Кайрат Дөргөев менен Азамат Тойматовго ден соолугун калыбына келтирүү үчүн Кыргызстандагы алдыңкы курорттордун бирине жолдомо берилди.
"Куткаруу иштерине алгылыктуу салым кошкондугу үчүн "Кумтор Голд Компани", "Дөргө көмүр" ишканаларынын кызматкерлерине, жергиликтүү бийлик өкүлдөрүнө жана айыл элине ыраазычылык билдиребиз", — деп айтылат билдирүүдө.
Куткаруучулар менен айыл эли шахтерлорду 24-апрель күнү саат 10го чукул жер алдынан аман-эсен алып чыгышкан.
Тоо-металлургия профсоюзунун борбордук комитети өндүрүштөрдүн жектекчиликтерин жана кызматкерлерин ар кандай күтүлбөстүктөрдү алдын алуу максатында, эмгектенүүдө коопсуздук техникасын сактоого чакырат.
