БИШКЕК, 11-июн. — Sputnik. Бишкек шаарынан 4 жашар кызды айдоочу коюп кеткенин ШИИБдин Кайгуул милициясынын маалымат кызматы билдирди.
Кырсык 10-июнда шаардын батыш тарабындагы Сары-Челек көчөсүндө саат 16:30дар чамасында катталган. Honda Fit автоунаасынын айдоочусу өспүрүмдү жолдон коюп кетип, изин жашырган.
Өспүрүмдүн баш мээси чайкалып, №3 шаардык клиникалык оорукананын кайра жандандыруу бөлүмүнө жаткырылган.
Кырсык болгондон кийин милиция кызматкерлери аймакты тинтип, капоту мыйрыйган Honda Fit унаасын табышкан. Анын айдоочу кийин кармалган.
Жол кырсыгы болгонун ШИИБден тастыкташып, учурда тергөө амалдары жүрүп жатканын билдиришти.
