БИШКЕК, 8-июл. — Sputnik. Кыргызстанда июль айынынын соңунда "Оймо" эл аралык фестивалы башталат.
Бул иш-чара 27-июлдан 30-июлга чейин Бишкек шаарында өтүп, Ысык-Көлдүн жээгинде жыйынтыкталат. Анда чет мамлекеттерден келген 150дөн ашык кол өнөрчүлөрдүн кийиз жана кездемеден жасалган буюмдарынын жарманкеси болот.
Ошондой эле дизайнерлер өздөрүнүн эмгектерин сунуштап, сүрөтчү жана акындар арасында сынактар уюштурулат. Андан сырткары катышуучулар атайын мастер-класстарды, ал эми жаштар түрдүү акцияларды өткөрөт.
Эске сала кетсек, аталган фестиваль Кыргызстанда 2006-жылдан бери өткөрүлүп келет.
