Айдаркулов: турак-жайын сел алып кеткендерге чатырлар тигилди
Турак-жайын сел алып кеткендерге чатырлар тигилди. Бул тууралуу Араван районуна караштуу Кичи-Алай айылынын башчысы Асылбек Айдаркулов Sputnik Кыргызстан радиосуна маек куруп жатып билдирди.
Анын айтымында, муктаж жарандарга азык-түлүк менен кошо төшөнчөлөр таратылган.
"Селден кийин Өзгөчө кырдаалдар министрлигинин өкүлдөрү келип абал менен таанышып, келтирилген чыгымдарды эсептеп кетишти. Мындан сырткары, ӨКМ аскерлери элге жардам берип, турак-жайсыз калгандарга беш чатыр тигилди", — деди Айдаркулов.
Белгилей кетсек апта башында жааган катуу жаандан улам Араван районунда сел жүрүп, бир канча үйдү алып кеткен.
