Жаш режиссерлор кинолагердин алкагында кыска метраждуу эки тасма тартып келишкендиги тууралуу продюсер Ника Жолдошева Sputnik Кыргызстан агенттигине билдирди.
"Аталган иш-чарага чакыруу бизге жазында келген. Эки адам жибергиле дегенинен оюмда дароо эле "Карек" балдар жана жаштар кинофестивалынын жеңүүчүлөрү жана "Кыргызстан – кыска метраждуу тасмалардын өлкөсү" кинофестивалынын катышуучулары Батыркан Ильясов менен Тимур Искаков келген. Экөө барып, кино тармагында кандай өнөрлөрү бар экенин көрсөтүп, чет элдик кесиптештеринен дагы тажрыйба алып кайтышты", — деди Жолдошева.
Анын айтымында, эмдиги жылкы фестивалга дагы жаш режиссерлордун катышуусу боюнча макулдашуулар болду.
BIKY — 2005-жылы негизделип, 18 жашка чейинки режиссерлорду окутууга жана аларга дүйнө менен тасма аркылуу байланышка багыт берүүгө басым жасайт.
