БИШКЕК, 11-сен. — Sputnik. Ысык-Көлдө катталган жол кырсыкта тирүүлөй өрттөнүп кеткен төрт адамдын аты-жөнүн милиция тактаганын облустук ИИББден билдиришти.
Жума күнү, 8-сентябрда таңга жуук саат 4.45дер чамасында Балыкчы — Каракол унаа жолунун 112-чакырымында Lexus RX300 унаасы жол кырсыгына учурап күйүп кетип, андагы төрт адам каза болгон. Унаадан эки кап кара куурай түшүп калган.
Ысык-Көл облустук ИИББдин маалыматына караганда унаада төрт адам болгон. Алар:
- М.А., 1958-жылы туулган, Бишкек шаарынын тургуну;
- С.А., 1960-жылы туулган, Бишкек шаарынын тургуну;
- О.Н., 1962-жылы туулган, Балыкчы шаарынын тургуну;
- Б.А., 1967-жылы туулган, Балыкчы шаарынын туругуну.
"Эки бишкектик жаран Балыкчыга конокко келген. Андан кийин төртөө Түптү көздөй бет алып, андан кайра кайтып келе жатышкан", — деп милициядан билдиришти.
Учурда Кылмыш жаза кожексинин 281 жана (жол эрежесин бузуу жана транспортттук каражатты эксплуатацилоо) 246-беренелери (баңгизатын мыйзамсыз негизде сактоо, сатуу, жасоо) боюнча кылмыш иши козголду.
