БИШКЕК, 20-сен. — Sputnik. Кыргызстандыктардын Россиянын эң алдыңкы университеттеринен бекер билим алууга мүмкүнчүлүгү бар. Мындай пикирин "Единство" коомдук фондунун аткаруучу директору Олег Сернецкий видеокөпүрө учурунда билдирди.
Сернецкийдин айтымында, долбоор экономиканын негизги багыттары болгон айыл чарба, транспорт инфраструктурасы, IT технология, кен чыкчу жерлерди чалгындоо жаатындагы адистерди даярдоого өз салымын кошот.
Ош жана Бишкек шаарларында Россиянын алдыңкы университеттери магистратура жана бакалавр боюнча 600дөн ашык программаны сунушташат.
"Жыл сайын окуучуларды чакырып, билим берүү жаатындагы акцияларды өткөрүп келебиз. Россиянын университеттеринин өкүлдөрү бул жакта олимпиада өткөрүп, анын жыйынтыгы РФтеги жогорку окуу жайларга өтүүгө жардам берет. Бул алардын ишин жеңилдетип, балдар университетке тапшыруу үчүн Россияга барышпайт", — деди ал.
Быйыл эле 300дөн ашык бүтүрүүчү жана 20 студент долбоордун көмөгү менен Россиянын университеттерине бекер өткөн.
- Томск политехникалык университети (ТПУ) — 17 киши;
- Томск мамлекеттик улуттук изилдөө университети — 56;
- Кострома мамлекеттик айыл чарба академиясы —116;
- Кемерова мамлекеттик университети — 24;
- Кемерова тамак-аш өнөр жайы технологиялык институту — 43;
- Сибирь мамлекеттик медициналык университети — 12;
- Ыраакы чыгыш байланыш жолдору университети — 33;
- М. Ф. Решетнев атындагы Сибирь мамлекеттик университети — 13;
- Иркутск улуттук изилдөө техникалык университети — 14;
- Тюмень индустриалдык университети — 3.
