БИШКЕК, 4-окт. — Sputnik. Кыргыз-өзбек чек арасы боюнча маселелер кандай жүрүп жатканын президенттин аппаратынын тышкы саясат бөлүмүнүн жетекчиси Айзада Субакожоева маалымат жыйында билдирди.
Өлкө башчы Алмазбек Атамбаев 5-6-октябрда мамлекеттик сапар менен Өзбекстанга барат. Ал эми Өзбекстандын президенти Шавкат Мирзиёев Кыргызстанга мамлекеттик сапар менен 5-6-сентябрда келип кеткен.
"Сапардан кийин алгылыктуу жылыштар болуп, беш көзөмөл өткөрүү пункту ишин жандантты. Учурда делимитация жана демаркация боюнча сүйлөшүүлөр уланууда", — деди Субакожоева.
Ошондой эле ал эки өкмөт делегацияларынын соңку жолугушуусунда чек аранын 40 чакырмы такталганын белгиледи.
Белгилей кетсек, буга чейин кыргыз-өзбек чек аранын 85 пайызы такталган.
