БИШКЕК, 8-окт. — Sputnik. Бишкек — Ош жолунда Honda Fit менен күйүүчү май ташыган унаа кагышып беш адам каза болду. Бул тууралуу аймактык милициядан билдиришти.
Маалыматка ылайык, окуя 8-октябрь күнү саат 11:00 чамасында Бишкек — Ош унаа жолунун 423-чакырымында болгон.
“Кара-Көл шаарына жакын жердеги Беки-Чал аймагында Honda Fit үлгүсүндөгү машинанын айдоочусу рулду башкара албай күйүүчү май ташыган унаа менен кагышкан. Кырсыктын кесепетинен окуя болгон жерде үч адам мүрт кеткен. Андан башка дагы эки жүргүнчү Кара-Көл шаардык ооруканасына алып бара жатканда жолдон көз жумган", — деп айтылат билдирүүдө.
Алдын ала маалыматар боюнча каза болгондор Аксы районунун Кара-Суу айылынын тургундары. Арасында бир үй-бүлөнүн мүчөлөрү бар экени айтылууда.
